Sápmi |

Dál ii leat earágo hárjánit bargat ovttas, oaivvildit searvegoddeovttastumi luohttámušolbmot Anáris ja Ohcejogas

Davvi-Lappi searvegoddeovttastumi oktasaš girkostivra čoahkkanii vuosttas geardde. Anneli Kuhmonen, Väinö Guttorm ja Jouni Ilmari Jomppanen válljejuvvojedje ságajođiheaddji stuoluide.

Jietna: Davvi-Lappi searvegoddeovttastumi oktasaš girkostvirra čoahkkin Avvilis 6.6.2018. Stivralahtut govas: Laila Aikio, Hilma Mustonen, Henna Tervaniemi, Osmo Niittyvuopio, Väinö Guttorm ja Kaisa Tanhua.
Jietna
Ságat Davvi-Lappi searvegoddeovttastumi oktasaš girkostivrra vuosttas čoahkkimis. Govas stivralahtut Laila Aikio, Hilma Mustonen, Henna Tervaniemi, Osmo Niittyvuopio, Väinö Guttorm ja Kaisa Tanhua. Jietna: Yle Areena

Oktasaš girkostivrii searvegottiid lahtut válljejedje válggas giđđat 16 áirasa Anáris ja vihtta áirasa Ohcjeogas. Dát joavku čoahkkanii gaskavahko geassemánu 6. beaivve 2018 Avvil girkus válljet alccet jođiheaddjiid ja stivra. Ságajođiheaddjin válljejuvvui Anneli Kuhmonen, guhte fidnii maid eanemus jienaid válggas Anár searvegottis. Várreságadoallin válljejuvvui Väinö Guttorm guhte fidnii giđđat válggas eanemus jienaid Ohcejogas.

Áššelisttus lei maiddái oktasaš girkoráđi njuolggadusaid dohkkeheapmi. Dasa lassin, ahte válggas giđđat 2018 válljejuvvojedje guktuide searvegottiide iežaset searvegodderáđit (seurakuntaneuvosto) de dál vel oktasaš girkostivra válljii oktasaš girkoráđi (kirkkoneuvosto). Njuoggadusa mielde dasa válljejuvvojit njeallje áirasa Anár searvegottis ja guokte áirasa Ohcejoga searvegottis. Girkoráđi jođiha girkohearrá Tuomo Huusko.

Davvi-Lappi searvegoddeovttatumi čoahkkin.
Davvi-Lappi searvegoddeovttatumi oktasaš girkostivrra čoahkkima Avvilis 6.6.2018 rabaiga girkohearrá Tuomo Huusko ja čoahkkima boarrasamos lahttu Ilmari Laiti. Govva: Jouni Aikio / Yle

Girkoráđđái njeallje áirasa Anáris ja guokte Ohcejogas

Girkostvira válljii girkoráđđái Jouni Ilmari Jomppanen, Laila Aikio, Aslak Pekkala ja Satu Yliluoma Anáris sihke Marketta Vuolab ja Osmo Niittyvuopio Ohcejogas. Sin joavkkus girkostivra válljii girkoráđi várreságadoallin Jouni Ilmari Jomppanen.

Davvi-Lappi searvegoddeovttastumi oktasaš girkostivra válljii Katja Kiviniemi searvegoddeovttatumi ruhtadoallin (talouspäällikkö). Son lea dássážii bargan searvegotti hálddahusas. Girkostivrra čoahkkimis buot válljemat manne ovttaráđálaččat.

Varrasamosat: Sápmi

Váldoođđasat

Varrasamosat

Muualla Yle.fi:ssä