Sápmi |

Dál lea áigi ásahit evttohasaid sámediggeválggaide – evttohasásaheapmi nohká borgemánu álggus

Evttohasásaheami áššebáhpárat galget leat válgalávdegottis maŋimustá borgemánu 2. beaivve.

Sámediggeválggat 2019
Čavčča sámediggeválggaid válmmaštallanbargu lea jođus. Govva: Sámediggi

Sámedikki válgalávdegoddi válmmaštallá čavčča sámediggeválggaid áigetávvala mielde, vaikko sámediggeválggaid maŋideami leatge dál vihkkehallamin.

Dálá dieđu mielde sámediggeválggat doaimmahuvvojit 2.9.–30.9.2019. Evttohasásaheapmi nohká borgemánu 2. beaivve.

Sámediggeválggaide evttohasa sáhttet ásahit uhcimustá golbma olbmo, geat leat merkejuvvon jietnavuoigadahtton sápmelažžan Sámedikki válgalogahallamii. Iešguđet jietnavuoigadahtton olmmoš oažžu oassálastit dušše ovtta evttohasa ásaheapmái

Evttohasásaheami várás galgá deavdit válljensearvvi vuođđudanáššegirjji ja evttohasa miehtanskovi. Vuolláičállojuvvon áššebáhpáriid galgá doaimmahit válgalávdegoddái maŋimustá borgemánu 2. beaivve 2019 diibmu 16.

Skoviid ja dárkilut dieđuid oažžu válgalávdegotti doaimmahagas sámekulturguovddáš Sajosis. Lassidieđut gávdnojit maiddái Sámedikki neahttasiiddus.

Varrasamosat: Sápmi

Váldoođđasat

Varrasamosat

Muualla Yle.fi:ssä