Sápmi |

Dállu bulii gutnan Eanodaga Njunnásis

Lappi gádjunlágádus oaččui almmuhusa buollimis gaskavahku diibmu 11.30 sulaid.

Kartta
Govva: Yle Uutisgrafiikka

Eanodaga Njunnásis bulii gaskavahku beaivet guovttegearddat, sullii 200 njealjehasmehtera sturrosaš ássanviessu.

Lappi gádjunlágádus oaččui almmuhusa buollimis gaskavahku diibmu 11.30 sulaid. Báikái bivde gádjunveahki sihke Heahtás, Muonás ja Gihttelis. Vuosttas buollinčáskadeaddjit ollejedje báikái sullii diibmu 12.00 ja dalle jo olles dállu lei buollimin.

Gádjunlágádusas muitalit, ahte guokte olbmo besse olggos buolli dálus. Lappi buohccedikšunbire vuosttasveahkki doalvvui sudno joatkkadutkamušaide.

Gohcci buollinmeašttir Jussi Hannukari muitala, ahte gádjunveahka ii sáhttán šat gádjut dálu. Gádjunlágádus joatká čáskadan- ja čorgenbargguid goit vel moadde diimmu, iige dieđit šat eanet áššis.

Varrasamosat: Sápmi

Váldoođđasat

Varrasamosat

Muualla Yle.fi:ssä