Sápmi |

Dán jagáš Ijahis Idja bivnnuhut go goassige ovdal – Festiválas gallededje 3 300 olbmo

Ijahis Ijas lei dán jagi ođđa geahččioláhus. Dán jagáš festiválas gallededje lagabui 3 300 olbmo. Ovddit geahččioláhus lei jagis 2014, dalle Ijahis Ijas gallededje oktiibuot 2 900 olbmo. Maiddái Ijahis ija –livestreamsáddagiid čuvvo badjel 3 000 geahčči miehtá máilmmi.

Felgen Orkester
Govva: Jonne Järvinen / Yle

Dán jagáš eamiálbmogiid musihkkafestivála Ijahis Idja lei buvnnuhut go goassige ovdal. Mannan vahkuloahpa áigge festiválas gallededje lagabui 3 300 olbmo.

Ovddit geahččioláhus lei jagis 2014, dalle Ijahis Ijas gallededje oktiibuot 2 900 olbmo.

Ijahis idja -eamiálbmotmusihkkafestivála lágiduvvui dál 13. háve Anáris, sámekulturguovddáš Sajosis.

Guovttebeaivásaš festivála hui bivnnut

Dáhpáhusas ledje vuosttaš háve konsearttat olgolávddis sihke bearjadat- ja lávvardateahkeda.

Goabbáge eahket lei hui bivnnut, vaikke lávvardaga veháš arvviige. Dasa lassin Sajosa auditoria dáhpáhusat; teáhter bearjadaga ja skearroalmmustahttinkonsearttat lávvardaga čohkkejedje sále dievva olbmuid.

Maiddái mánáid- ja nuoraidbeaivvis ledje eanet oassálastit go ovdal.

Livestreamsáddagiid čuvvo badjel  3 000 geahčči

Ijahis ija olgokonsearttaid ja Yle Sápmi -arena lei vejolaš čuovvut Sámi oahpahusguovddáža medialinjjá lágidan neahttasáddaga bokte. Neahttasáddagat leatge šaddan bivnnuhut ah' bivnnuhut juohke jagi. 

Dán jagi Ijahis ija –livestreamsáddagiid čuvvo badjel 3 000 geahčči miehtá máilmmi.

Festiválas loaiddastedje dán jagi earret eará Sofia Jannok, Ylva, Ánnamáret Ensemble, Ulla Pirttijärvi & Ulda ja Felgen Orkester.

Ijahis ija lágidit ovttasbarggus Anára Sámisearvi rs, Sámediggi, Sámi oahpahusguovddáš, Anára gielda, Dáidaga ovddidanguovddáža Lappi doaibmasadji, Sámemusea Siida, Yle Sápmi ja Hotealla Kultahovi.

Varrasamosat: Sápmi

Váldoođđasat

Varrasamosat

Muualla Yle.fi:ssä