Sápmi |

Dávddaid dihtii ii boahtte jagi oaččo fievrridit ealli bohccuid riikkarájá rastá

EU lea gieldán ealli bohccuid fievrrideami Norggas ja Ruoŧas Supmii boahtte jagi, muitala Poromies-aviisa. Dát mearkkaša, ahte eará riikkaid hearggit eai sáhte oassálastit Suoma heargegilvvuide boahtte giđa.

Boazo-cuppa 2013 vuosttas oassegilvu Roavenjárggas.
Govva: Yle

Bohccuid njoammodávddaid leavvan lea boktán fuola dávddaid njoammumis. EU lea gieldán ealli bohccuid fievrrideami Norggas ja Ruoŧas Supmii jagis 2017 muitala Poromies-aviisa.

Dát mearkkaša dan, ahte eará riikkaid hearggit eai sáhte oassálastit Suoma heargegilvvuide boahtte giđa.

Ruoŧas ja Norggas Suoma beale heargegilvvuide leat jahkásaččat oassálastán juoba 70 hearggi. Bohccuid buktingieldu lea álggos fámus áŋgge boahtte jagi.

Gilvvohallamiid lágidemiid bearráigeahčči Suoma boazogilvvohallit -searvvis mearrádusa dollet váivin, muhto dan fertejit čuovvut, muitala ságadoalli Hannu Krupula.

Poroisäntä.
Hannu Krupula Govva: Hanna Eskonen / Yle

– Gilvvohalliid bealis váivi, muhto dát lea duođalaš ášši. Norgga ja Ruoŧa bealde leamaš hui viššalat johtit heargegilvvuin. Suomas lea viiddes heargegilvodoaibma ja dát dieđus hehtte doaimma ovdáneami, árvala Krupula.

Varrasamosat: Sápmi

Váldoođđasat

Varrasamosat

Muualla Yle.fi:ssä