Koe uusi yle.fi
Sápmi |

Dávgeváris njoarostangilvvut ja sámemusihka somás dálkkis

Sámi festiválageassi goit Suoma bealde álgá Dávgeváris. Juo oahpisin šaddan njoarostangilvvu leat ferten nuppástuhttit muohtadili dihte. Gilvvuid maŋŋá beassá sámemusihka guldalit.

kevin boine
Kevin Boine Govva: Kevin Boine, Facebook

Dávgeváris leat dán vahkuloahpa Taigafestiválat. Dáhpáhusas láve njoarostangilvu, muhto dán jagi lea gilvu nuppástuvvan.

Dávgeváris eai sáhttánge hukset lihkadeaddji moala, go lea nu olu muohta. Dávgevári Gollegili hoavda Marko Touru muitala, ahte moalla ii lihkkat dán jage, baicce njoarosteaddjis vurdojuvvo jođánisvuohta ja dárkilisvuohta.

Njoarostangilvvuid oassálastimearri lea dábálaččat leamaš birrasis 50. Touru jáhkká dán jagi sullii seammálagan meari, muhto ii sáhte goit leat sihkkar, go gilvu lea earálagan.

Sámemusihkka čuodjá

Lávvordateahkedis Dávgeváris gullo sámemusihkka. Norgga beal Sámi násti Kevin Boine boahtá loaiddastit vuosttaš háve Supmii. Son illuda, go sáhttá goargŋut čuojahit lávddi ala Dávgeváris.

– Konsearttas mun lávllon buot mu lávlagiid, Kevin Boine muitala.

Kevin Boine lassin Dávgeváris čuojahit Čođđu, Ravggon ja Azis the Bieggaváibmu. 

Festivála álgá ihttin lávvordaga diibmu 13.00 mánáidprográmmain ja njoarostangilvvuin.

Kevin Boine lei mielde Sohkaršohkka -sáddagis duorastaga 8.6. Dat gullo nuppádassii bearjadateahkedis 17.30-20.00. Marko Touru lea Dearvva! -sáddagis bearjadaga 9.6. dbm 11.00 - 13.00.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä