Sápmi |

Davvi-Dakotas garra idja – oljobohcci vuostálastin joatkašuvvá

Oljobohcceprošeakta Dakota Access Pipeline bargoeatnama lahka Davvi-Dakotas, Amerihkás, leat jođus stuorra miellačájáhusat. Dilli eallá olles áigge.

pohjois dakota twitter
Heimon vanhin pyhän veden kanssa. "Tästä tässä kaikessa on kyse." Govva: Kuvakaappaus, Twitter

Bohcci galgá huksejuvvot guovllu indiánareserváhta váldočáhcegálddu vuolil.

Prošeavtta vuostálastet garrasit, ja miellačájáhusat leat jođus nu báikki alde go interneahtas sosiála mediasge.

Báikki ala leat boahtán olbmot 500 sierra indiánačearddas. Goassege ovdal guovllu historjjás ii oktasaš dáhpáhus leat čohkken čearddaid dán lahkái oktii.

Bohccelinjjá huksemis lea šáddan symbolalaš birasgažaldat, mas máŋggat politihkkarat ja dáiddárat leat mielde bealušteamen álgoálbmogiid.

Veahkaváldi ja vuostálastin

Ikte duorastaga miellačájeheddjiid vuostá ledje bolesat stuibmesuodjebiktasiiguin. Boles geavahii gievrras vugiid. Morton County bolesa mielde virgeolbmot válde gitta duorastaga 141 protesterejeaddji.

Morton County boles muitala, ahte olbmot geavahit veahkaválddi, vaikke sosiála medias olbmot dadjatge, ahte proteasta lei ráfálaš.

– Bolesat vásihit veahkaválddi ja vuostálastima, sihke miellačájeheaddji, guhte bážestii bolesiid linjjá vuostá, Morton County boles čállá Facebook-siidduinis.

Sosiála medias oidnojit dievva govat ja videot hávváduvvon olbmot.

Livesáddagat guovllus

Davvi-Dakota dilli beaiváduvvo olles áigge, ja ovdamearkka dihtii duorastaga dáhpáhusaid oktavuođas báikki alde sáddejedje olu livevideoid Facebook-neahttabálválusa bokte.

Sverigesradio čállá , ahte bearjadatiđđes dilli lea bolesa mielde ráfálaš, muhto oljobohcci vuostálastit leat dan oaivilis, ahte lea oalle sihkkar, ahte miellačájeheaddjit bohtet ruovttoluotta dáistalit.

twitter23   davvidakota3

Varrasamosat: Sápmi

Váldoođđasat

Varrasamosat

Muualla Yle.fi:ssä