Sápmi |

Davviiriikkalaš sámeoahpahusa forumii geargá vel fárrui – sámeoahpahusa ovttasbargu ohcala ođđa bálgáid

Almmuhanáigi sámeoahpahusa davviriikkalaš forumii lea jotkojuvvon boahtte vuossárgga, skábmamánu 15. beaivvi rádjai.

Anni Koivisto
Sámedikki vuosttaš várreságajođiheaddji ávžžuha dál almmuhit iežas sámeoahpahusa forumii Anárii. Govva: Marja Väänänen / Yle

Juovlamánus Anáris ságastallet viidát davviriikkalaš ovttasbarggu lasiheame ovddideamis oahpahusdoaimmas. Ulbmilin lea gávdnat oktasaš čovdosiid davviriikkalaš ovttasbargui maiddái unnit sámegielaid oasil. Forum dollojuvvo 1.–2.12.2021 Anáris.

– Suoma Sámediggi ja Suoma oahpahus- ja kulturministeriija leat oktasaččat ordnen sámeoahpahusa davviriikkalaš foruma. Vuođđu boahtá das, go Suopma lea mearridan váldit sámeoahpahusa davviriikkalaš ovttasbarggu ovddideame oktan ulbmilin Suoma Davviriikkaid ministtarráđi ságadoallebadjái, muitala Sámedikki vuosttaš várreságajođiheaddji Anni Koivisto Čeavetjávrris.

Suoma ságajođiheaddjibadji bistá jagi 2021.

– Maiddái sámeoahpahusa ovddidanbargojoavkkus leat gávnnahan dárbbu nannet davviriikkalaš ovttasbarggu. Mis leat hui máŋggat oktasaš hástalusat ja maiddái iešguđetlágan mállet ordnet sámeoahpahusa, Anni Koivisto vel muitala.

Dat lea goit juo čielggas, ahte ovttasbargu galgá nannejuvvo ja gávdnat maiddái dakkár málliid, mat doibmejit buot buoremusat. Ođđa bálgáid gávdnan maid lea dehálaš, ja dát lea maid okta sivva manin dákkár forum lágiduvvo.

Maid unnit sámegielain hállet

Maiddái uhcit sámegielaid áigot vuhtiiváldit sámeoahpahusa forumis. Unnit gielat leat vuhtiiváldojuvvon foruma prográmmas máŋggabealat geahččanguovllus ja iešguđet gielaid geahččanguovllus.

Fáttás leat máŋggat sáhkavuorut, dego anárašgielas. Vaikke dat hállojuvvo dušše Suoma beale Sámis, anárašgiela doaibmanmállet sáhttet veahkehit maid eará unnitgielaid oahpahusdilis

– Ovdamearkka dihte dál leat iešguđetlágan doaibmanmállet eará riikkain ja daiguin sáhtášii maiddái ávkkástallat gielaid oahpahusas. Dilli lea vuhtiiváldojuvvon foruma prográmma hábmemis, ja leat ságastallan, makkár áššiid mii háliidat váldit dohko, Anni Koivisto muitala.

Prográmma hábmejuvvo velá

Foruma prográmma ii goit vel leat áibbaš gárvvis. Dieđus goit lea juo, makkár áššit doppe leat boahtimin ovdan. Prográmma lea čohkkejuvvon iežas neahttasiidui www.rajahissameoahpahus.com ja dat gávdno davvisámegilli, suomagillii ja ruoŧagillii.

Prográmmas leat sáhkavuorut earret eará das, ahte maid dat mearkkaša sámegielat boahtteáigái, go lea okta álbmot, muhto go leat máŋggat gielat, stáhtat ja skuvlenvuogádat. Dan lassin stáhtaid oahpahusministariid dearvvahus boahtá gáiddusoktavuođaid bokte.

Ulbmilin lea maiddái smiehttat, makkár vejolašvuođaid digitaliseren buktá sámegielaid boahtteáigái. Dan lassin vel lea ságastallan das, ahte mo dat diehtu sámiid birra galggašii leat buohkaide oktasaš oahpahusas, ja mo dat dál ollašuvvá. Galggašii gávdnat bissovaš čovdosa Davviriikkaide.

– Sávan dieđusge, ahte buohkat, geat leat sámeoahpahusas ja sámeoahpahusa ovttasbarggu ovddideamis beroštuvvan, de boađášedje mielde, dadjá Anni Koivisto.

Almmuhanáigi sámeoahpahusa davviriikkalaš forumii lea jotkojuvvon boahtte vuossárgga, skábmamánu 15. beaivvi rádjai.

Guldal dás eambo sámeoahpahusa foruma birra. Jietna: Erkki Gauriloff / Yle

Divvojuvvon 12.11.2021 dii. 10.09 Suoma Davviriikkaid ministtarráđi ságadoallebadji bistá jagi 2021.

Beaivvi ságaid ja Yle Ođđasiid Sámis sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä