Sápmi |

Davviriikkaid sámeministarat ja Sámedikkiid ságadoallit deaivvadit Helssegis – seamma oktavuođas geigejuvvo Gollegiella-bálkkašupmi

Deaivvadeamis ságastallet áigeguovdilis áššiin, mat gusket eamiálbmogiidda ja sámiide. Vuoigatvuohtaministtar Anna-Maja Henriksson jođiha deaivvadeami. Dan oktavuođas geigejuvvo maid Gollegiella-bálkkašupmi.

Sámi Duodji -searvi skeŋkii vuoigatvuohtaministtar Anna-Maja Henrikssonii ulloliinni ja soljju gaskavahku ovdal álbmotdilálašvuođa giitun barggus sámiid rivttiid ovdii.
Davviriikalaš ministtariid ja sámedikkiid njunnožiid čoahkkima jođiha vuoigatvuohtaministtar Anna-Maja Henriksson Govva: Eljas Niskanen / Yle

Davviriikkaid sámiáššiin vástideaddji ministarat ja Sámedikkiid ságadoallit deaivvadit bearjadaga Helssegis. Deaivvadeamis ságastallet áigeguovdilis áššiin, earet eará čakčamánus dohkkehuvvon Ovttastuvvon Nášuvnnaid eamiálbmogiid máilbmekonferánssa loahppadokumeanttas sihke sápmelaččaide čuohci rasismmas ja vealaheamis.

Deaivvadeamis leat mielde earret eará Norgga sámeministtar Jan Tore Sanner, Ruoŧa kulturministeriija stáhtačálli Per Olsson, Norgga Sámedikki presideanta Aili Keskitalo, Ruoŧa sámedikki ságadoalli Håkan Jonsson ja Suoma sámedikki ságadoalli Klemetti Näkkäläjärvi.

Deaivvadeamis juhkko maid Gollegiella-bálkkašupmi

Sámeministariid ja Sámedikkiid ságadoalliid deaivvadeami oktavuođas almmuhit maid davviriikkalaš sámegiela bálkkašumi oažžu.

Gollegiella-bálkkašumi geige Suoma vuoigatvuohtaministtar Anna-Maja Henriksson bearjadaga Helssegis.

Varrasamosat: Sápmi

Váldoođđasat

Varrasamosat

Muualla Yle.fi:ssä