Sápmi |

Deanu luossabivdonjuolggadusa ođadeapmi álgá – cealkámušaid vurdet dál

Suopma ja Norga leat bidjamin johtui ráđđádallamiid Deanujoga bivdosoahpamuššii gulli mearreáigásaš bivdonjuolggadusa ođasmahttimis.

Ilmari ja Raine Tapiola soutavat Tenolla.
Deanujoga bivdosoahpamuššii gulli bivdonjuolggadussii háliidit smávva nuppástusaid. Oassebeliin vurdet dál cealkámušaid njukčamánu 2.beaivvi rádjai. Govva: Linnea Rasmus / Yle

Eanan- ja vuovdedoalloministeriija lea dál čohkkemin oainnuid bivdonjuolggadusa ođasmahttindárbbuin. Danin ministeriija bivdáge ákkastallojuvvon oaiviliid nuppástusain ja ođasmahttindárbbuin.

Evttohusaid galgá doaimmahit ministeriijai maŋimuštá njukčamánu 2. beaivvi. Ministeriija neahttasiidduin gávdno sierra liŋká, gosa daid sáhttá doaimmahit.

Suoma ja Norgga gaskasaš Deanujoga bivdosoahpamuša váikkuhusain lea gieskkat gárvvásmuvvan raporta. Bivdosoahpamuša váikkuhusaid árvvoštallamii leat čohkkejuvvon sierra oassebeliid oaivilat soahpamuša doaibmamis ja dan váikkuhusain.

Dasa leat jearahallon 29 olbmo, geat ovddastit oassebeliid, geaidda Deanujoga bivdosoahpamuš váikkuha. Dohko leat girjejuvvon maiddái nuppástusdárbbut maid guolástusnjuolggadusa ođasmahttinproseassas ja dasa oassálastimis.

Bivdonjuolggadussii smávva nuppástusat

Sierramielatvuođat gusket namalassii bivdorivttiid, muhto oaidnimis ledje maid vejolašvuođat geahpedit soahpamuša dihte šaddan hehttehusaid ja daid buoridanvejolašvuođaid. Sierra oassebeliid oaiviliin ledje oaidnimis buoridanvejolašvuođat maid nu, ahte luossanálit eai šatta govttohis áitaga vuollái.

Dákkár buoridanvejolašvuođat leat earret eará:

  • Doarjut árbevirolaš luossabivddu ja dasa gulli bivdokultuvrra seailluheami
  • Bearrašiid oktasaš luossabivddu ovddideapmi
  • Eará guollešlájaid, dego soavvelbivddu álkidahttin
  • Sálašgittameriid geavahussii váldima guorahallan oktan bivdoráddjenvejolašvuohtan
  • Lohpevuovdinortnega ovddideapmi
  • Lasihit dieđu luosaid jápmosivain mearravádjolusa áigge

Guolástusrivttiid hálddašeddjiid oassálastin ráđđádallan- ja árvvoštallanprosessii oassálastin dollojuvvo hui dehálažžan. Dainna lágiin olbmot dohkkehivčče buorebut Deanujoga bivdosoahpamuša.

Ministeriija hástalage oassebeliid oassálastit Deanujoga bivdonjuolggadusa ođasmahttinprosessii earret eará bargobájiid bokte, ja dain dieđihuvvo eambo maŋŋelabbos.

Varrasamosat: Sápmi

Váldoođđasat

Varrasamosat

Muualla Yle.fi:ssä