Sápmi |

Deanus manne jieŋat – geahča video Áitesavvona jiekŋajođus

Liehmuid dihte Deanusge jiekŋajohtu lei árabuš go dábálaččat.

Jäät lähtivät Tenon Aittisuvannosta 25.4.2019
Deatnu lea Suoma beale Sámis áidna eatnu, mas jiekŋajohtu lea álgán. Govva: Outi Paadar

Norgga ja Suoma rádjejogas manne jieŋat sullii vahku árabuš go gaskamearálaččat. Birasguovddáža mielde Deanu jieŋat johttájit gaskamearálaččat miessemánu 2. beaivve.

Dán giđa jieŋat johttájedje goittotge juo cuoŋománu bealde. Deanu jieŋat leat mannan Leavvajogas vulos.

Birasguovddáš lea jagi 1990 rájes čuvvon jieŋaid johtima Deanus. Dát lea árat jiekŋajohtu dan áiggi siste, muitala birasguovddáža jođiheaddji hydrologa Bertel Vehviläinen. Measta seamma árrat jieŋat leat johtán 28.4.1990 ja 29.4.2002.

Birasguovddáža mielde liehmut leat dagahan dan, ahte maid muohta lea dál uhcit go dábálaččat oppa Suomas gitta davimuš guovlluid ráje.

Alimus dulvvi einnostit Vehviläinen mielde lávvardahkii. Nuppi alla dulvvi vurdet miessemánu lohppii.

Geahča dás video, go Deanu jieŋat johttájit.

Video: Jäät lähtivät Tenon Aittisuvannosta 25.4.2019
Dán filmmas oainnát, go jieŋat johte Áitesavvonis duorastaga 25.4.2019. Video: Outi Paadar

Varrasamosat: Sápmi

Váldoođđasat

Varrasamosat

Muualla Yle.fi:ssä