Sápmi |

Dihtetgo? Yle Areena Sápmi-siiddus gávdnojit buot sámesisdoalut ovtta sajis

Siiddu gávdná Yle Areenas earret eará ohcansániin Sápmi.

Yle Areena, Yle Sápmi, Yle Areena Sápmi
Dál Yle Areenasge buot sámesisdoalut gávdnojit ovtta sajis Sápmi -ohcansániin. Govva: Linda Tammela / Yle

Yle Areenas gávdno dál Sápmi-siidu, masa čohkkejuvvojit ovtta sadjái sisdoalut sámegillii ja sápmelaččaid birra.

Dál ovtta sajis gávdnojit ovdamearkka dihte tv-ođđasat, neahttaartihkkalat, máŋggalágán dokumentárat ja jietnasisdoalut. Sisdoaluin gullojit nu sámegielat go maiddái váldogielat.

– Siidu lea das buorre, ahte dohko loktanit sihke videosisdoalut ja audiosisdoalut ja dasa lassin sámegielat artihkkalat, muitala Yle Sámi hoavda Maiju Saijets.

Saijets lohká, ahte siidu bálvala eandalitge daid, geat háliidit oaidnit ja geavahit sámesisdoaluid.

– Areena-siiddu bokte bohtet buorebut oidnosii maid video- ja audio-sisdoalut, maid ovdamearkka dihte Yle Sápmige buvttada juohke árgabeaivve.

Teknihkalaš čuolmmaid dihtii buot artihkkalat eai dálá dilis goit loktan Areenai. Maiddái audiosiiddu ovddideapmi lea vel barggu vuolde.

Yle Areena Sápmi -siidui beasat dás.

Varrasamosat: Sápmi

Váldoođđasat

Varrasamosat

Muualla Yle.fi:ssä