Sápmi |

"Doppe diktačállit leat váhá dego rocknásttit" – Ima vuolgá máilmmi stuorámus diktafestiválii

Inger-Mari Aikio lea vuolgimin Medellínii, Kolumbiai, gosa vurdet duháhiid diktaberošteaddjiid suoidnemánus.

Jietna: Inger-Mari Aikio
Jietna

Sámi diktačálli Inger-Mari Aikio, Ima, vuolgá dál suoidnemánus máilmmi stuorámus diktafestiválii Medellínii, Kolumbiai.

Aikio lea ovdalge bovdejuvvon festiválii, muhto ii leat duostan vuolgit.

Dál son goittotge dolle festiválii, man várás ovdamearkka dihte su čállin mánáid lávlagat leat maid jorgaluvvon spánskkagillii. Ima lea dál áidna sámi diktačálli dáhpáhusas ja muitala ovdamearkka dihte iežas čállinbargguin báikkálaš diktaskuvllas.

Diktafestivála
Govva: Screenshot: Festival Internacional de Poesía de Medellín

Dábálaččat diktadáhpáhusat eai geasut nu stuorra joavkkuid, muhto Festival Internacional de Poesía de Medellín lea dáhpáhus, gos duháhat olbmot čoahkkanit gullat divttaid. Festivála ordnejuvvo dál 27. háve.

– Dat geat leamaš doppe de dat leat nu issorasat rápmon, ahte dat lea nu erenomáš dovdu ja doppe diktačállit leat váhá dego rocknásttit! Nu dakkárahan lea somá vásihit, go dábálaččat dakkár diktadilálašvuođain, jos leat vihtta olbmo de lea bures. Muhto doppe leat duháhat, Inger-Mari Aikio lohká.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä