Sápmi

Dulvi lea dál alimus muttus – Geahča govaid Sámi dulvvis

Ganešguoika
Ganešguoika lahka Buksaljávrri, Ohcejot guovllus 2.6.2020. Govva: Vesa Toppari / Yle

Dulvi lea dál alimus muttus, muhto loahppavahkus galggašii juo coahkugoahtit.

Čáhci lea loktanan Davvi-Suomas báikuin vahátrádjái. Dán vahkkui einnostuvvon liegga beaivvit ja arvvit sáhttet dagahit dan, ahte rávnnjit golget ain garrasabbo.

Buot eará čázádagain, earet Duortnos-Muonájogas, dulvi lea dál alimus muttus, lohká Lappi EBI-guovddáža jođiheaddji čáhcedoalloáššedovdi Timo Alaraudanjoki. Duortnos-Muonájohka olaha alimus muttu jáhkkimis boahtte vahkus.

– Dán vahku loahpabealde galggašii goittotge coahkugoahtit vehážiid mielde, jáhkká Alaraudanjoki.

Alaraudanjoki árvala, ahte dulvi lea vahágahttán mottiid dáluid, ja iešguđetlágan gádderáhkkanusat dego grillengoađit sáhttet leat gártan čáze vuollái. Maiddái muhtin astoáiggebarttat leat soaitán njuoskat. Vel ii leat goittotge dárkilis diehtu, man viidát dulvi lea dagahan vahágiid.

Geahča govaid dulvvis sámeguovllus

Vuojadangáddi Avvilis lea báhcán čáze vuollái.

tulva
Avviljohka 1.6.2020 Govva: Sara Wesslin / Yle

Áŋŋel-geaidnu lei čáze vuolde beannot vahku dassái. Čáhci borai rokkiid čievrageidnui.

Angelintie
Áŋŋelgeaidnu 23.5.2020 Govva: Ritva Torikka

Gihttela máttabealde lea Ovnnesjohka dulván juo geainnu ala. Áššedovdit árvalit, ahte dulvi sáhttá vejolaččat šaddat vearrábun go jagi 2005 dulvi.

Ounasjoki
Ovnnesjohka, Gihttel 1.6.2020 Govva: Jouni Aikio / Yle

Njárbesjohka Eanodagas golgá fámuin Ovnnesjávrái.

Njárbesjohka
Njárbesjohka 2.6.2020 Govva: Jouni Aikio / Yle

Kitinen lea dulvvis Bohkás, Gihttela davábealde.

Kitinen, Pokka
Kitinen-johka 1.6.2020 Govva: Pekka Aikio / Yle

Avvila Nááváánjárggas dulvi lea measta botken geainnu. Lappi gádjunlágádus váruha, ahte Anár gieldda guovlluin dulvi sáhttá botket muhtin geainnuid.

Näverniemi, Ivalo
Nááváánjárga, 2.6.2020 Govva: Sara Wesslin / Yle

Ohcejoga Buođđobohkis gáddi lea báhcán čáze vuollái.

Patoniva Utsjoella
Buođđobohki, 2.6.2020. Govva: Vesa Toppari / Yle

Jus háliida vuogit váccašit Juvdujoga bálgáid Anára girkosiidda birrasis, gánneha coggat gummestevveliid juolgái.

Juutuajoen tulva on levinnyt Haapaniemen eli Supenjargân metsään Inarissa.
Supenjárgâ, Anár 1.6.2020 Govva: Linnea Rasmus / Yle

Varrasamosat

Muualla Yle.fi:ssä