Sápmi |

Eahpevirggálaš diehtu: Sámediggeválggain jienastanmokta orru niedjan

Eahpevirggálaš dieđu mielde jienastanproseanta lea vuollái 50%.

Sámediggeválga, jienaid lohkan, ääntenlaskenta, Saamelaiskäräjät
Sámediggeválggaid jienaid lohkagohte vuossárgga eahkedis Sajosis. Govva: Vesa Toppari / Yle

Dáid válggain jienastanmokta lea niedjan, go veardida ovddit válggaide. Dálá árvalusa mielde jienastanproseanta lea sullii 48-49%.

Sámedikki válgalávdegoddi lea áiddo álggahan jienaid ođđasit rehkenastima. Válgalávdegotti ságadoalli Janne Näkkäläjärvi lea dadjan Yle Sápmái, ahte dán muttus eai duostta vel olus maidige muitalit.

– Gelddolaš válga ja fertet dál rehkenastit jienaid vel oktii, ovdalgo duostat dadjat maidige, lea Näkkäläjärvi muitalan.

Virggálaš jienastanproseantta nannejit easkka gaskavahku.

Mannan válggain, jagis 2015 jienastanproseanta lei 51,63. Jagi 2011 válggain jienastanproseanta lei 49,60.

Sámediggeválggaid eahpevirggálaš bohtosa muitalit dieđihandilálašvuođas maŋŋebárgga diibmu. 10. Virggálaš jienastanbohtosa nannejit gaskavahku 2.10.2019.

Varrasamosat: Sápmi

Váldoođđasat

Varrasamosat

Muualla Yle.fi:ssä