Sápmi |

Eanodaga gielda oastá girdigietti ja dan fitnodatdoaimma Finavias

Eanodaga gielddastivra dohkkehii girdigietti oastima Finavias ikte gaskavahku.

Enontekiön lentokenttä
Gávppi mielde Eanodaga girdigiettis fuolaheapmi sirdása Eanodaga gildii. Govva: Annu Passoja / Yle

Gielda oastá Eanodaga girdigietti ja dan fitnodatdoaimma girdigieddefitnodat Finavias.

Gielddastivra mearridii áššis ikte gaskavahkkoeahkeda. Áirasiin ovcci guottihedje gávppi ja guhtta áirasa ledje dan vuostá.

Girdigieddegávppi haddi lea sullii 600 000 euro. Girdigieddi sirdása Eanodaga gieldda oamastussii boahtte gease.

Čuovvovažžan gielda sihkkarastá girdijohtolaga opererema badjái 2021–2022 ja ohcá priváhta guimmiid mielde doibmii, dadjá Eanodaga gieldda ovddidanhoavda Hannu Autto gieldda dieđáhusas.

– Mearrádus doallá dehálaš euroid guovloekonomiijas ja dahká boahttevaš investeremiid vejolažžan.

Eanodaga gielda ja girdigieddefitnodat Finavia dahke ovdasoahpamuša Eanodaga girdigietti doaimma joatkašuvvamis jo suoidnemánus.

Gávppi mielde Eanodaga girdigietti bajásdoallan, girdijohtolaga mátkkoštanbálvalusaid ordnen, girdigietti guovllus fuolaheapmi, girdigietti gávppálaš doaibma sihke girdigietti ovddideapmi sirdásit Eanodaga gildii.

Dievasmahtton 12.11. diibmu 11.41 Lasihuvvon diehtu gávppi hattis.

Varrasamosat: Sápmi

Váldoođđasat

Varrasamosat

Muualla Yle.fi:ssä