Sápmi |

Eanodaga skuvllain geahččalit ovddidit sámegiela geavaheami - ohcet dál prošeaktabargi

Giellaprošeavttain geahččalit viiddidit ja ovddidit  guovttegielat oahpahusa Eanodaga vuođđoskuvllain.

Sámegiella
Govva: Yle Sápmi

Eanodaga gieldda skuvllain geahččalit ovddidit sámegiela geavaheami. Eallinfápmolávdegoddi mearridii joatkit mannan čavčča álgán Rievssat – giellalávgun sámegillii -prošeavtta. Eanodaga gielda lea ožžon prošeavtta várás ruhtadeami oahppohálddahusas 30 000 euro. Gielda ieš ruhtada prošeavtta 7 500 euroin.

Prošeakta guoská ovdaskuvlaoahpahusa ja vuođđooahpahusa 1-9 luohkáid.  Prošeavtta ulbmilin lea viiddidit ja ovddidit guovttegielat oahpahusa ja maiddái dorvvastit oahpahusa boahtteáiggi. Ulbmil lea joatkit gielariggodahtti (sg. kielirikasteinen) oahpahusa ja ovddidit dan buot Eanodaga vuođđoskuvllain. Prošeavtta olis galget dahkat maiddái plána das, mo sámegielat oahpahusa sáhtašii ovddidit Eanodaga gielddas. Prošektii gullá earret eará skuvlen, diehtojuohkin, oahppomateriálaid ráhkadeapmi ja ovttasbargu daid oassebeliiguin, mat vástidit sámeoahpahusas oassebeliiguin.

Eanodaga gielda ohcáge dál prošektii sámegielat prošeaktabargi 2.10.2017 – 30.6.2018 gaskasaš áigodahkii. Gáibádussan lea bargui heivvolaš allaskuvladutkus ja sámegiela njálmmálaš ja čálalaš máhttu.

Gielariggodahtti oahpahusain dárkkuhit dakkár oahpahusa, mas vuollel 25 proseantta oahppoávdnasiin oahpahuvvo eará gillii go skuvlla oahpahusgielain. Oahppoplána mielde gielariggodahtti oahpahus movttiidahttá ja aktivere ohppiid geavahit giela dábálaš gielladiimmuid lassin.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä