Sápmi |

Eatnasat sámemánáin ja -nuorain bajásšaddet Sámi olggo bealde – dušše juohke goalmmát sápmelaš orru sámeguovllus

Sámedikki varas statistihka mielde badjel bealli jietnavuoigadahtton sápmelaččain ássá sámeguovllu olggobealde.

Sápmelaččaid mearri jagiid 2003–2019
Sámediggi čohkke statistihkaid sápmelaččaid mearis válggaid oktavuođas. Govva: Lasse Isokangas / Yle

Ain uhccit nuorat ásset sámeguovllus. Dat boahtá ovdan Suoma Sámedikki almmustahttin statistihkas, mii vuođđuduvvá jagi 2019 sámediggeválggaid loguide.

Sámedikki varas statistihka mielde vuollel 18-jahkásaš sápmelaš mánáin ja nuorain jo birrasiid 76 proseantta ásset sámeguovllu olggobealde. Seamma sullasaš logut leat maiddái nuorra ollesolbmuid buohta. Dušše ealáhatahkásaš sápmelaččain eanasoassi orru ain Sámis.

Soađegili gielddas orru sápmelaččat eai rehkenastojuvvo sámeguovllu loguide, muhto baicce eará Suoma loguide. Dušše Lappi bálgosa sápmelaččat leat sámeguovllu statistihkain fárus.

Jagi 2019

Jietnavuoigadahtton sápmelaččat

Buot sápmelaččat

Eanodat321439
Anár14712141
Ohcejohka478662
Lappi bálggus120164

Sápmelaččaid mearri lassánan – mánáid mearri njiedjan

Dušše juohke goalmmát sápmelaš ássá šat sámeguovllus. Suomas leat Sámedikki varraseamos dieđuid mielde 10 759 sápmelačča. Sis 3 406, nappo 32 proseantta, ásset sámeguovllus.

Suoma beale sápmelaččain sámeguovllu olggo bealde ja olgoriikkain orrot 68 proseantta.

Jus loguid veardida jagi 2003 válggaid loguide, de rievdadus lea stuoris. Dalle sápmelaččain orro sámeguovllus vel 46 proseantta.

Sápmelaččaid lohku lea lassánan jagi 2003 statistihkka rájes lagabui golmmain duháhiin, go dalle Suomas rehkenaste leat 7 956 sápmelačča.

Riikkadási trenda vuhtto goit sápmelaččaid mearis dan láhkai, ahte 0–10-jahkásaš mánáid mearri lea njiedjan vehážiid mielde. Sámedikki jagi 2011 válggaid statistihkain sápmelaš mánát gaskal 0–10 jagi ledje vel 1 708, muhto jagi 2019 loguin šat 1 247.

Jus Sámedikki jagi 2019 loguid geahččá dan vuođul, ahte gos sámediggeválggaid jienasteaddjit ásset, de sámeguovlu vuoittáhallá ain. Jietnavuoigadahtton sápmelaččain ásset sámeguovllus šat vádjit 41 proseantta. Sámediggeválggaid jienasteaddjiin 59 proseantta orrot sámeguovllu olggobealde dahje olgoriikkain.

Jagis 2003 vel badjelaš bealli jietnavuoigadahtton olbmuin orui Sámis.

Jagi 2019

Jietnavuoigadahtton sápmelaččat

%Buot sápmelaččat%
Sámeguovlu

2 390

40,67

3 406

31,66

Eará Suopma

3 078

52,38

6 681

62,10

Olgoriikkat

408

6,94

672

6,25

Oktiibuot

5 876

54,61

10 759

100

Suoma Sámedikki almmustahttin statistihkaid sámediggeválggain ja loguid sápmelaččain gávnnat dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä