Sápmi |

Elle-Máijá Tailfeathers filbma lea válljejuvvon Kanáda buoremus filbman

The Body Remembers When the World Broke Open -filbma bálkkašuvvui maiddái ImagineNative-filbmafestiválas golggotmánus.

Elle-Máijá Tailfeathers
Elle-Máijá Tailfeathers lea bajásšaddan Kanádas. Su áhčči lea eret Unjárggas ja eadni gullá Blood-reserváhttii Kanádas. Govva: Arne Ivar Johnsen / NRK

Blackfoot-sápmelaš bagadalli Elle-Máijá Tailfeathers ja kanádalaš bagadalli Kathleen Hepburn filbma The Body Remembers When the World Broke Open lea vuot bálkkašuvvon.

Kanáda Vancouvera filbmakritihkkarat (Vancouver Film Critics Circle) leat válljen filmma Kanáda buoremus filbman ja maid buoremus B.C. filbman (British Columbia provinsa).

Árabuš filbma bálkkašuvvui golggotmánus The Moon Jury -bálkkašumiin Toronto ImagineNative-filbmafestiválas.

The Body Remembers When the World Broke Open -filmma trailer. Video: TIFF Trailers

Guhkesfilbma muitala guovtti eamiálbmotnissonolbmos, Áila ja Rosie, geat soaittáhagas deaivvadeaba. Sudno deaivvadeamis šaddá ságastallan earret eará sudno ovttaláganvuođain ja erohusain.

Filmma sáhttá oaidnit Anáris Skábmagovain lávvardaga 25.1.

Varrasamosat: Sápmi

Váldoođđasat

Varrasamosat

Muualla Yle.fi:ssä