Sápmi |

Elrávnnji botkejit Ohcejogas, Anáris ja Soađegilis gaskavahku ja duorastaga gaskasaš ija

Elrávdnjeboatka bistá njeallje diimmu.

Voimalinja.
Govva: AOP

Sámeguovllus lea boahtte ija máŋgga diimmu guhkkosaš elrávdnjeboatka, mii váikkuha sullii 6 000 elrávnnji geavaheaddjái.

Tunturiverkko-elrávdnjefierbmefitnodat botke elrávnnji gaskavahku ja duorastaga gaskasaš ija diibmu 1.30–5.30.

Ohcejoga gielddas elrávdnji boatkana Guolnnás máttás guvlui, Anár gielddas Čeavetjávrri luoddaearus máttás guvlui ja Soađegilis Kakslauttanenis ja Anteris.

Elrávnnji botkejit Suoločielggi elrávdnjekábelbargguid dihte ja seammás barget maid eará elrávdnjebargguid.

Boatka sáhttá hehttet mátketelefonoktavuođaid, telefovnnaid neahttaoktavuođaid ja boaldámuša juohkima. Dasa lassin hearkkes elektrovnnalaš rusttegiid, dego tv:id, dihtoriid ja modemaid gánneha váldit eret fierpmis ovdal boatkka, vai dat eai cuovkan boatkka maŋŋá.

Divvojuvvon 15.5. dii 13:54: Boatka lea gaskavahku ja duorastaga gaskasaš ija, ii duorastaga ja bearjadaga gaskasaš ija nu mo álggus muitaleimmet.

Varrasamosat: Sápmi

Váldoođđasat

Varrasamosat

Muualla Yle.fi:ssä