Sápmi |

Eurohpa parlameantta lahttut gáibidit buot EU-riikkaid dohkkehit ILO-soahpamuša

Eurohpa parlameanta lea addán olggos loahppaárvalusa, mas dat gáibida buot EU-riikkaid dohkkehit ILO 169 -soahpamuša.

Euroopan parlamentin täysistunto tammikuussa 2018.
Eurohpa parlameantta dievasčoahkkin ođđajagimánus. Govva: Patrick Seeger / EPA

Eurohpa parlameanta lea maŋŋebárgga almmustahttán loahppaárvalusa mas lahttut gáibidit, ahte EU sihkkarastá álgoálbmogiid rivttiid gudnejahttima. Lahttut gáibidit, ahte álgoálbmogiid rivttiid dovddastit ja suodjalit dievaslaččat.

Parlameantta lahtut gáibidit buot EU-riikkaid dohkkehit ILO-soahpamuša nummir 169. Sii ávžžuhit maiddái, ahte kommišuvdna dahká vásttolaš doaibmaplána, mii guoská gávpedoaimma. EU gávpepolitihkas ja investeremiin galget gudnejahttit álgoálbmogiid rivttiid, čállet loahppaárvalusas.

Suoma MEP: "Guohtoneatnamat mat gáržot oba áigge, áitet ain eanet sápmelaččaid vejolašvuođa hárjehit árbevirolaš ealáhusaid"

Eurohpa parlameantta lahttu gurutlihtu Merja Kyllönenis lei minuhtta guhkkosaš sáhkavuorru čoahkkimis. Sáhkavuorustis son buvttii ovdan earret eará dan mot dálkkádatrievdan áitá sámiid vejolašvuođaid hárjehit árbevirolaš ealáhusaid.

– Mannan vahkus mus lei vejolašvuohta leat ordneme Brysselis govvačájáhusa dálkkádatrievdan báhtareddjiin. Dat ámadeajut, earenomážit čalmmit guoskkahedje mu dovdduid. Go lean Davvi Eurohpalaš Eurohpa parlameanta lahttu, in sáhtte vajálduhttit go oidnen jápmán bohcco mii lei jápmán dálkkádatrievdama váikkuhusaid dihte ja guohtoneatnamat mat gáržot oba áigge, áitet ain eanet sápmelaččaid vejolašvuođa hárjehit árbevirolaš ealáhusaid, lohká Kyllönen sáhkavuorustis.

Loahpas Kyllönen deattuhii, ahte dálkkádatrievdama váikkuhusat eamiálbmogiid rivttiide leat lahka su váimmu ja ahte dálkkádatrievdan lea njuolga ja eahpenjuolga sivvan máŋgga rihkkumuššii eamiálbmogiid rivttiide ja sii galget ipmirdit ja fuomášit dan.

Merja Kyllönen 17.01.2018. TV1 vaalitentti, presidentinvaalit
Merja Kyllönen. Govva: Derrick Frilund / Yle

Álgoálbmogat galget leat mielde mearrádusaid dahkamis, mat váikkuhit sidjiide

Eurohpa parlameantta lahttut ávžžuhit EU ja dan miellahttoriikkaid álgit bargat álgoálbmogiid rivttiid ovdii, dego ovdamearkka dihte rivttiide eatnamiidda ja luondduriggodagaide.

Lassin galgá sihkkarastit, ahte álgoálbmogat leat mielde mearrádusaid dahkamis, mat váikkuhit sin eallimii ja sin eatnamiidda. Álgoálbmogat galget leat mielde maiddái plánain main vigget eastit dálkkádatrievdama.

Loahppaárvalus dohkkehuvvui jienain 534, 71 vuostá ja 73 guoros jiena.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä