Sápmi |

Eurohpa Ráđi sámeseminára sáhttá čuovvut maid neahtas – Geahča olles prográmma!

Sámekulturguovddáš Sajosis ordnejuvvo bearjadaga riikkaidgaskasaš sámeseminára, man lea vejolaš geahččat maid interneahtas. Seminára oktan mihttomearrin lea lasihit Eurohpa Ráđi ja eiseválddiid dieđuid sápmelaččain.

Euroopan Neuvoston toimitalo
Eurohpa ráđi doaibmadállu. Govva: Euroopan Neuvosto

Sámekulturguovddáš Sajosis Anáris ordnejuvvo duorastaga ja bearjadaga riikkaidgaskasaš sámeseminára.

 Sápmelaččat - álbmot, kultuvra ja gielat ja Eurohpá Ráđđi -nammasaš seminára leat ordnen Sámedikkit, Eurohpa Ráđđi ja olgoáššiidministtar.

Bearjadaga seminára sáhttá geahččat jogo njuolggosáttan dahje maŋŋelgihtii maiddái interneahtas Sámi oahpahusguovddáža neahttasiidduin. Seminára álgá bearjadaga diibmu 9.00 ja nohká diibmu 18.45.

Oktan mihttomearrin lasihit Eurohpa Ráđi ja eiseválddiid dieđuid sápmelaččain

Seminárii oassálastet sulaid 90 guossi. Báikki ala vurdet Eurohpa ráđi ovddasteaddjiid, eiseválddiid Suomas, Ruoŧas ja Norggas, sámepolitihkkariid Suomas, Norggas, Ruoŧas ja Ruoššas, sámeorganisašuvnnaid ovddasteaddjiid ja dutkiid.

Seminárain hálidit lasihit dieđuid sápmelaččaid birra ja geahpedit ovdagáttuid. Ulbmil lea maiddái muitalit Eurohpa ráđi ja dan iešguđet orgánaid doaimmas. Seminára lea Eurohpa Ráđi geahččalanprošeakta, mainna geahččalit lasihit Eurohpa Ráđi gozihanorgánaid ovttasbarggu, dán dáhpáhusas áššiin, mat gusket sápmelaččaid.

Lasi dieđuid beaivvi prográmmas sáhttá lohkat Suoma Sámedikki neahttasiidduin .

Varrasamosat: Sápmi

Váldoođđasat

Varrasamosat

Muualla Yle.fi:ssä