Sápmi |

Eurohpa rasismma ja utnohisvuođa vuostásaš komišuvnna ságajođiheaddji čilgii, maid ECRI lea ávžžuhan Davviriikkaide sámiid birra

ECRI ságajođiheaddji Christian Ahlund muitalii sáhkavuorustis Eurohpa rasismma ja utnohisvuođa vuostásaš komišuvnna ávžžuhusaid Supmii, Norgii ja Ruŧŧii sámiid birra. Son maid válddii beali Ruošša dillái.

Christian Ahlund ECRIs muitalii otná beaivve seminaras maid ECRI ávžžuha Davvi-Riikkaide sápmelaččaid birra. Son válddii beali maid Ruošša dillái
Christian Ahlund ECRIs muitalii otná beaivve seminaras maid ECRI ávžžuha Davvi-Riikkaide sápmelaččaid birra. Son válddii beali maid Ruošša dillái Govva: Eljas Niskanen \ Yle Sápmi

Eurohpa rasismma ja utnohisvuođa vuostásaš komišuvnna ECRI ságajođiheaddji Chirstian Ahlund muitalii odne Eurohpa ráđi sámeseminaras maid ECRI lea ávžžuhan Davviriikkaide sámiid birra.

Suomas komišuvdna lea gidden fuomašumi giellaáššiide. Ruoŧas leat vudjon eanetge eanariekteáššiide, Norggas fas sápmelaččaid vuostásaš váššiságaide ja vealaheapmái dahjege givssideapmái.

Ahlund ávžžuha Suoma skuvlet lasi sámegielat oahpaheaddjiid ja sihkkarastit sámegiela eatnigielat oahpahusas olles riikkas.

– Suomas livččii dehálaš maid čuvgehit váldoálbmoga sámi kultuvrra- ja eallinvuogi birra sihke sápmelaččaid dála dili birra.

Ahlund válddii beali maid Ruošša sámiid dillái. Ahlund muitala ahte komišuvdna ii leat vel vudjon Ruoša sámiid dillái, muhto lea goittotge čielggas ahte Ruošša galggalii váldit mielde dan systemii.

Geahča video olles sáhkavuorus Yle Sámi facebook-siiddus!

Varrasamosat: Sápmi

Váldoođđasat

Varrasamosat

Muualla Yle.fi:ssä