Sápmi |

Gájanas-joavkku skearru bálkkašuvvui Kanádas SSIMA-gálas

Gájanas-joavkku debyhtaskearru bálkkašuvvui Jagi riikkaidgaskasaš eamiálbmotjoavkku báddejupmin.

Gájanas
Gájanas-joavkku skearru Čihkkojuvvon lea olu rámiiduvvon mediain. Govva: the Summer Solstice Indigenous Music Awards

Gájanas-joavkku skearru Čihkkojuvvon vuittii kanádalaš Summer Solstice Indigenous Music Awards nappo SSIMA-gála bálkkašumi Jagi riikkaid gaskasaš eamiálbmotjoavkku báddejupmi.

Gájanas-jovkui gullet ohcejohkalaš juoigi-lávlu Hildá Länsman, ja anárlaš musihkkárat Erkki Feodoroff, Nicholas Francett ja Kevin Francett. Länsmana VILDÁ-duo skearru Vildaluodda lei maiddái evttohassan seamma bálkkašupmái.

Joavkku basista Erkki Feodoroff čuovui ovttas Francett vielljaiguin njuolggosáddaga lávvardatija.

– Gal mus lei dakkár dovdu, ahte gal das soaitá šaddat juoga, muhto liikká bođii vuorddekeahttá, go dat diehtu vuoittus bođii. Guhkes idja dat lei, muhto ii das sáhte leat eará go rámis, muitala Feodoroff.

SSIMA čalmmustahttá eamiálbmotmusihka ja maiddái eamiálbmogiid dehálašvuođa. Dan ordne Kanáda álbmotlaš eamiálbmotbeaivve komitea beales eamiálbmot guoimmuhan- ja turismafitnodat Indigenous-Experiences.

Guldal Erkki Feodoroff dovdduid bálkkašumis. Jietna: Xia Torikka / Yle

Áššis muitalii vuosttažin Ávvir-aviisa.

Yle Ođđasiid Sámis ja Beaivvi ságaid sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä