Sápmi |

Gájanas-joavku válljejuvvon Kaustinen álbmotmusihkkafestivála Jagi musihkkajoavkun

Gájanas-jovkui gullet Hildá Länsman, Nicholas Francett, Kevin Francett ja Erkki Feodoroff.

Hilda Länsman Gájanas
Gájanas bođii nubbin Sámi Grand Prix -lávlungilvvus diibmá. Govva: Juha Länsman

Gájanas-joavku Sámis lea Jagi musihkkajoavku 2017 Kaustinen álbmotmusihkkafestiválas boahtte geasi.

– Jagi musihkkajoavku-nammademiin Kaustinen álbmotmusihkkadoalut háliidit gudnejahttit sámi kultuvrra, musihka ja árbevieruid seailluhanbarggu ja muitit sámiid álbmotbeaivvi 100-jahkásaš historjjá, festiválas dieđihit.

Kaustisen kansanmusiikkifestivaali lea stuorra álbmotmusihkkafestivála, mii lágiduvvo jahkásaččat Kaustinen gielddas Gaska-Bađaeatnamis.

Dán jagi lea festivála 50-ávvujági. Boahtte geasi  festiválas čalmmustahttet festivála iežas ávvujagi lassin Suoma iehčanasvuođa 100-jagi ávvudeapmi. Festivála lágiduvvo 10.–16.7.2017.

Varrasamosat: Sápmi

Váldoođđasat

Varrasamosat

Muualla Yle.fi:ssä