Sápmi |

Gájanas ja VILDÁ-duo evttohassan Jagi riikkaidgaskasaš eamiálbmot báddejupmin Kanádas SSIMA-gálas

Gájanas-joavkku basista Erkki Feodoroff illuda evttohasvuođas. Su mielde Gájanas-joavku lea eallán dál imašlaš áiggiid debyhttaskearru almmustahttima maŋŋá.

Gájanas
Gájanas-joavku almmustahttii debyhtaskeakkus guovvamánus. Govva: Gájanas

Ohcejohkalaš lávlu-juoigi Hildá Länsmana ja Viivi-Maria Saarenkylä VILDÁ-duo skearru Vildaluodda ja maiddái Gájanas-joavkku skearru Čihkkojuvvon leat evttohassan Jagi riikkaid gaskasašbáddejupmin kanádalaš Summer Solstice Indigenous Music Award nappo SSIMA -gálas. Gájanassii gullet Hildá Länsman, Nicholas Francett, Erkki Feodoroff ja Kevin Francett.

SSIMA čalmmustahttá eamiálbmot musihka ja maiddái eamiálbmogiid dehálašvuođa. Dan ordne Kanáda álbmotlaš eamiálbmotbeaivve komitea beales eamiálbmot guoimmuhan- ja turismafitnodat Indigenous-Experiences.

Gájaans-joavkku basista Erkki Feodoroff lea ipmašis evttohasvuođas.

– Galhan dát lea fas imašlaš ášši, amas áiggit leamašan Gájanasain go dakkár evttohasvuođat leat boahtán, illuda Feodoroff.

Gájanasa debyhttaskearru Čihkkojuvvon almmustuvai guovvamánus Sámi álbmotbeaivve. Vaikko olbmuin lea leamašan easkka moadde mánotbaji áigi gávdnat ja guldalit skearru, de Erkki Feodoroff mielde sii leat ožžon olu buori máhcahusa skearrus.

Skearru lea ožžon maiddái buriid árvvoštallamiid sierra mediain ja dat lei Kanáda eamiálbmogiid musihkkalisttu njunnošis.

– In máhte eará lohkat, go ahte lea buorre gullat, ahte olbmot leat gávdnan dán skearru ja liikon dasa.

SSIMA vuoitit almmuhuvvojit geassemánu 12. beaivve.

Varrasamosat: Sápmi

Váldoođđasat

Varrasamosat

Muualla Yle.fi:ssä