Sápmi |

Gárasavvona skuvla lea šaddamin geavahangildui: sadjásaš sajiid ohcan lea dál jođus

Smávva gilis ii leat nu álki gávdnat sadjásaš lanjaid, go skuvla ja beaiveruoktu Touhula goit dárbbašit dihtomeari doaibmalanjaid. Boahttevaš geavahangielddu dihte goit galget beassat fárret gosa nu.

Karesuvannon koulu
Dát govva Gárasavvona skuvllas lea váldon čakčat 2009. Govva: YLE / Pia Tuukkanen

Gárasavvona skuvllas ja beaivedikšu Touhulas leat gávnnahan sisáibmováttisvuođaid, ja buot doaimmat galget dál sirdojuvvot sadjásaš visttiide ja lanjaide. Dál leat áiddo válmmaštallamin maid skuvla- ja beaivedikšovisttiid geavahangielddu.

Skuvlla ja beaivedivššu visttiid leat gárten giđa ja geasi áigge ja birasdearvvašvuođafuolahusa dutkamušain leat gávnnahan feaillaid, mat heajudahttet sisáimmu.

Dutkamušaid mielde sajit eai šat deavdde dearvvašlaš sisáibmui ásahuvvon gáibádusaid. Doaibma goit sáhttá joatkkašuvvat dassážii, go sadjásaš sajit gávdnojit.

Sisáibmováttisvuođaid geažil eiseválddit leat dál ráhkkaneamen bidjat visttiid geavahangildosii. Sihke mánáid vánhemat ja skuvlla ja beaivedivššu bargit leat ožžon dieđu áššis.

Čuovvovaččat ášši ovdána Eanodaga gieldda eallinfápmolávdegoddái, gielddaráđđehussii ja váldostivrii.

Yle Ođđasiid Sámis ja Beaivvi ságaid sáhttá guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä