Sápmi |

Gávpotsámiid kulturguovddášplánat bisánan

Searvi lea gillán maŋimuš jagiid ruhtaváttisvuođain.

City-Sámit -searvvi logo, man lea hábmen Minna Moshnikoff.
Govva: City-Sámit rs.

Oaivegávpotguovllu sámesearvi City-Sámit rs. searvvis muitaledje cuoŋománus, ahte searvvi galget heaittihit ruhtaváttisvuođaid dihte. Searvi lea goittotge ain registtaras.

Helssegii plánejuvvon kulturguovddáža plánat leat bisánan, daningo searvi ii šat jođit kulturguovddášfidnu. Searvvi ovddeš ságadoalli Inka Musta muitala, ahte fidnoplána gal lea leahkimin, muhto dat ii ovdan dál. Plána sáhttá goit geavahit, jus muhtin doaibmi dan háliida ovddidišgoahtit.

Cuoŋománus searvi mearridii jahkečoahkkimisttis, ahte dat dahká dutkanbivdaga bolesii guovtti olbmo doaimmaid dihte. Sudno atnet sivalažžan kulturguovddášprošeavttas šaddan ruhtaváttisvuođaide. Searvvis eai goittot muital, leago bivdda dahkkon.

Yle Sápmi lea máŋgii jearran Helssega bolesis dieđuid das, leago dat ožžon dutkanbivdaga. Boles ii leat goit bearjadaga skábmamánu 22. beaivvi rádjái vástidan.

Divvoduvvon 22.11.2019 dbm: 14.26: Muitaleimmet álggos boastut, ahte searvi lea virggálaččat heaittihuvvon. Searvvi dieđut goittotge gávdnojit ain searveregistaris.

Varrasamosat: Sápmi

Váldoođđasat

Varrasamosat

Muualla Yle.fi:ssä