Sápmi |

Geasset láve Siidda olgomuseas leat hušša – Divodanbarggut jođus

Sámemusea Siidda kulturbirasovttadaga dutki Päivi Magga mielde geasset láve Siidda olgomuseas leat hušša. Danin leage dehálaš doallat boares museavisttiid buorre ortnegis.

Siidan ulkomuseopäivä

Sámemusea Siidda olgomusea geassebadji lea dál álgán. Vuossárgga dolle arvedálkkis rahpandoaluid.

Olgomuseas ledje juo mannan gease divodanbarggut ja dat joatkašuvvet fas. Ovtta stobu lásat ledje rahpandoaluid áigge divvunbargguid vuolde.

Siiddas dutkin bargi Päivi Magga muitala man dehálaš oassi olgomusea Siidii lea.

Siida, Päivi Magga, siidda olgomusea, siidan ulkomuseo
Päivi Magga Siidda olgomuseas. Govva: Yle

– Olles min museadoaibma lea álgán dáppe olgomuseas. Ja dát Itnetvári šilju stobut ja áittit leat vuosttaš ráhkkadusat, mat leat sirdojuvvon deike olgomuseai, lohká Magga.

Son dadjáge lea gudneášši doallat buorre ortnegis historjjálaš stobuid.

Measta buot museaguossit fitnet maid olgomuseas. Mannan gease badjel 30 000 guossi fitne olgomuseas. Danin leage dehálaš, ahte buot visttit leat buorre ortnegis.

Ođđa áššit boađi boađi

Dál barggu vuolde leat ovdamearkka dihte stobuid lásat, maid ámmátolbmot ledje divvumen ja ođasmahttimen. Museas ferte dárkilit muitit seailluhit visttiid áigái gullevaš ortnegis.

Olgomusea guovllus leat jođus ovttas Meahciráđđehusain divvunbarggut eatnamiidda. Sii háliidit čorget meahci, vai oainnus bisso čábbádin. Museagieddi lei vel 1960-logus oalle rabas, muhto muorat leat šaddan dan rájes olu ja daid áigotge njáskat.

Siidda olgomusea, Olgomusea, Siida, Siidan ulkomuseo
Siidda olgomusea visti. Govva: Yle

Ođđa áššit leat muđuige boađi boađi. Dán geasi earenoamašvuohtan lohká Magga oahpistuvvon tuvrraid, mat leat olgomuseas. Guossit sáhttet diŋgot tuvrraid ovddalgihtii.

Muhto maid son dasto ieš vuordá buot eanemusat?

– Na, várra, ahte dat geassi boađálii, čaibmá son.

Eaigoson geassedálkkit goit juo fargga boađe.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä