Sápmi |

Geavu bálggis steŋgejuvvon – Čáhci loktanan badjel mehteriin

Geavvu bálggis lea steŋgejuvvon garra dulvvi dihte. – Dán vuoro lea nu dulvvis, ahte dohko ii galgga vuolgit ii giige, lohká luonddufákta Esa Vuomajoki. Vuossárgga bálgá dili geahččat ođđasit.

Jietna: geavvu, kevo
Jietna
Luonddufákta Esa Vuomajoki muitala Geavu bálgá dulvedilis.

Geavu bálggis lea steŋgejuvvon garra dulvvi dihte. Čáhci lea loktanan badjel mehteriin. Meahciráđđehusa Ohcejoga luonddufákta Esa Vuomajoki lohká máđiijain ii leat dál dorvvolaš johtit, nuba bálggis lea dál steŋgejuvvon.

– Mis lea dál dakkár dilli, dál go arvvii issorasat, mis lea čáhci loktanan dál badjel mehteriin dáppe Geavvojogas ja maiddái Anárjogas.

– Dán vuoro lea nu dulvvis, ahte dohko ii galgga vuolgit ii giige.

Vuomajoki mielde sajiin gos galgá rasttildit jogaid, lea nu olu čáhci, ahte soaitá leat juobe váralaš.

Vuossárgga bálgá dili gehččet ođđasit

Bálgás leat ain olbmot johtimen. Fuolaheaddjit vurdet dál gullat dieđu, ahte leatgo dohko báhcán olbmot gálahagaid gaskii.

Vuossárgga bálgá dili gehččet ođđasit, ahte sáhttágo dan fas váldit geavahussii. Dat lea gitta das, mo arvá ja mo dálki muđui ovdána.

"Lávkka galgá váldit sealggis eret"

Vuomajokis lea okta dehálaš rávva buohkaide, geat jurddašit vuolgit vánddardit Geavu bálgáide.

– Geassit, go vehá lea geassečázis dát Geavvu, de muđuige galggašii muitit, ahte rehpo dahje lávkka galgá váldit sealggis eret ja gurput sierra dan, ahte jos njaláhastá, dahje boahtá problema de ii leat dat rehppo sealggis. Čázis jus šaddá heahti rehppo sealggis, dan lea hui váttis oažžut eret, muittuha Vuomajoki.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä