Sápmi |

Giehtaruohttasa duoddariidda muhtii – "Dat láve hui dávjá justa dán vahkus muohttit vuosttas geardde"

Duoddariidda lea muohttán moadde sentimehtera

Ensilumi satoi Käsivarren tuntureille 18.9.2019.
Dákkár lei Giehtaruohtasa duoddaris 18.9.2019 iđđes. Govva: Per Antti Labba

Gárasavvona guovllu duoddaris eana lea vilggodan, muitala boazodoalli Per Antti Labba.

– Moadde sentimehtera lea muohttán. Dáppe lea mierká, bálvadálki ja gálmmas, čilge Labba.

Vuorddekeahttá dát muohtti ii sin guovllu olbmuide boahtán.

– Dat láve hui dávjá justa dán vahkus muohttit vuosttas geardde. Dát muohta geargá vel máŋgii suddat, muitala Labba.

Mannan čavčča Gilbbesjávrái muhtii vuosttas háve 25.9.2018. Gaskavahku iđida dálkedieđáhusa mielde otnážii Gilbbesjávrái čájeha ovtta muohtačalmmi, nu ahte lea vejolaš, ahte dohkoge muohttá.

Yle meteorologat muitalit, ahte sis eai leat ánus dieđut duoddariin. Dálkerádára mielde Eanodaga gielddas lea šlahttán dahje muohttán, muhto eana ii leat vilggodan.

Lagaš beivviid áigge Davvi-Suomas báikuin muohttá, dahje šlahttá, muhto ii olu, dadjet meteorologat.

Suoma Dálkediehtaga lágádusa mielde vuosttas muohta lea dalle, go iđđes diibmu ovcci áigge eatnamis lea unnimustá ovtta sentte muohtagovččas.

Varrasamosat: Sápmi

Váldoođđasat

Varrasamosat

Muualla Yle.fi:ssä