Sápmi |

Gielddahoavda: Gilieahkediin ovdan stuorra fuolla ođđa Deanu soahpamušas

Áibbas juohke ságastallamis gieldalaččaiguin boahtá ovdan stuorra fuolla ođđa Deanu soahpamušas, muitala Ohcejoga gielddahoavda Vuokko Tieva-Niittyvuopio. Son lea johtimin giliid mielde gullamin olbmuid jurdagiid das makkár gielda galggašii leat jagis 2025.

Vuokko Tieva-Niittyvuopio
Ohcejoga gielddahoavda Vuokko Tieva-Niittyvuopio lea johtán deaivamin olbmuid gieldastrategiija olis. Govva: Anneli Lappalainen / Yle

Ohcejoga gielddahoavda Vuokko Tieva-Niittyvuopio lea johtán deaivamin olbmuid gieldastrategiija olis.

Vuokko Tieva-Niittyvuopio muitala, ahte gieldda olbmuin lea stuorra fuolla áššiin, mat eai riekta laktas gieldastrategiijai.

– Gieldda olbmot leat justa dál fuolas ođđa Deanu soahpamušas ja dan váikkuhusain. Dat boahtá ovdan stuorra fuollan áibbas juohke ságastallamis gieldalaččaiguin.

Nubbi ášši mii beaggá lea sosiála- ja dearvvasvuođabálvalusaid ođastus.

– Olbmot leat maid vehá balus sode-áššiin. Mo lagasbálvalusat ja sámegiel bálvalusat dorvvastuvvojit boahtteáiggis dáppe Ohcejoga gieldda guovllus.

Gullamin olbmuid das makkár gielda galggašii leat jagis 2025

Ohcejoga gielddas leat ordnejuvvon gilieahkedat borge- ja čakčamánus.

– Sivva gilieahkediidda lea, ahte gielddas lea bargamin ođđa strategiijain, dego ođđa gieldaláhka geatneagahttá. Danin mii gullat gieldda olbmuid das, makkár min gielda galggašii leat jagis 2025, Tieva-Niittyvuopio muitala.

Maŋimus gilieahket lea otne vuossárgga guđa áigge eahkes Gáregasnjárgga gilidállu Sáivvus.

Varrasamosat: Sápmi

Váldoođđasat

Varrasamosat

Muualla Yle.fi:ssä