Kaikki talviolympialaisista!
Sápmi |

Girdilohkamat duođaštit: Anáris leat duháhat ealggat

Eanemus ealggat leat Leammi ja Áŋŋela guovllus.

Ealggat. Govvejuvvon helikopteris.
Govva: Petri Timonen / LUKE

Luondduriggodatguovddáš lea girdán maŋemuš vahkkuid Anára guovllus ja lohkan ealggaid. Dárkilis dieđut eai leat vel fidnemis, muhto ealgalohkkiin leat gal juogalágan árvalusat ealgameriin.

– Dan gal jo diehtit muitalit, ahte Anára guovllus leat dálá dilis máŋga duháha ealgga. Ealggaid lohkan lea vel goittotge gaskan ja materiála gieđahallamis leat beassan easka álgui. LUKE lohká dál birrasiid 25% olles Anáris, muitala LUKE dutkaninšenevra Petri Timonen.

10-20 heakka čorragat

Anára oarjedavveosiin, Áŋŋel ja Leammi guovlluin orrot lohkama vuođul eanemus ealggat. Norgga ja Suoma rájá alde leat ealggaid dálveguohtuneatnamat ja olu Norgga beale ealggat bohtetge dálvái Suoma beallái. Luondduriggodatguovddáža ealgalohkamis áice moadde juobe 10-20 heakka čorraga. Dat dieđut galgetge leat ávkin ealgalobiid mearrideamis.

– Dáid dieđuid geavahit ealganáli árvvoštallamii. Anár lea nu viiddis guovlu ja dáinna vugiin mii bastit lohkat hui dárkilit. Áidna váttisvuohta lea, go lohkat daid ealggaid dálvet, de dát ealga mearithan leat dušše dálvit dáppe."

Ealggat. Govvejuvvon helikopteris.
Govva: Petri Timonen / LUKE

"Áššit álget ovdánit"

Anárjoht’leagis ja Áŋŋela guovllus stuorra ealganálli dihtto jo olbmuid šiljuin. Gieskat muitaleimmet mo báikki olbmot šaddet gávdnjilit ealggaid eret vai besset šilljobohccuidis biepmat. Máŋgasat ballet šilljoealggain ja áŋŋellaš boazodoalli Arvi Torikka lea gártange riŋget bolesiidda ealggaid geažil. Torikka mielas lea buorre go dutkit oidnet dál ieža man olu guovllus leat ealggat.

 – Mun jáhkán, ahte áššit álget ovdánit dál. Ii leat eará go ohcat goddinlobi dan moatti elgii mat leat dat vearrámusat, dadjá Arvi Torikka.

Arvi Torikka
Áŋŋellaš boazodoalli Arvi Torikka. Govva: Anneli Lappalainen/ Yle

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä