Sápmi |

Girjerádjodoaibma guorahallá vejolašvuođa sirdit sámegirjeráju eret Sajosis

Anára gielddahoavda Toni Laine lohká ášši leat easkka ságastallama dásis. Makkárge mearrádusat áššis eai vel leat.

Sajos
Govva: Vesa Toppari / Yle

Dálá sámegirjeráju lanjat sámekulturiguovddáš Sajosis eai áibbas heive girjeráju doaimmaide. Danin sii leat guorahallamin sierralágan vejolašvuođaid ja okta molssaeaktu lea sirdit girjeráju gávpevistái, mii galgá ceagganit Osuuskauppa Arina atnui boahtte jagi, muitala Anára gieldda girjerádjodoaimma hoavda Eija Leivo.

– Nuppe dáfus lea dušši sadji ja nuppe dáfus dálá baikkis ii leat sadji ordnet dáhpáhusaid.

Leivo lea válmmaštallamin evttohusa čuvgehuslávdegoddái, mii dahká áššis mearrádusa ovdal dán jagi loahpa.

Sámegirjeráju láigosoahpamuš Sajosis lea doisttážii fámus ja eretcealkináigi lea okta jahki, muitala sámedikki hálddahushoavda Pia Ruotsala. Son ii loga sámediggái boahtán diehtu sámegirjeráju sirdinplánain. Anára gieldda sámegirjerádju lea Sámedikki láigolaš Sajosis.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä