Sápmi |

Goardi báhkka Sibirijás viiddis meahccebuollimat – Soahteveahka sáddii girdimašiinnaid buollinčáskadeaddjiid veahkkin

Viiddis buollimiid ballet luoitit áibmogeardái gásaid go duollu suddá.

Palomies sammuttamassa paloa
Buollinčáskadeaddji Tšeljabinski guovllus 9. suoidnemánu. Govva: Venäjän hätätilaministeriö / AOP

Sibirijás viiddis meahccebuollimat leat leavvan jo 800 000 hektára sturrosaš guvlui, muitala Yle otne ođđasiin. Olahus báhkka dálkkiid dihte buollimiid ballet beare viidut ja seammás luoitit áibmogeardái gásaid, mat fas liggejit dálkkádaga ovddežis.

Ruošša soahteveahka lea sádden girdimášeniid buollinčáskadeaddjiid veahkkin. Buollimiid leat čáskadeamen duháhat olbmot.

Vearrámus buollimat leat Yakutias, Nuorta-Sibirijá guovllus. Doppe leamašan heahtedilli jo vahkuid áigge.

– Mii hávkat, suovva mirkkoha min geahppáid, muitalii muhtun yakutialaš neahttaadreassas, man sii leat sádden presideanta Vladimir Putinii. Báikkálaččat leat sávvan lasi veahki buollimiid čáskadeapmái.

Palaneiden talojen raunioita.
Buollima dagahan vahágat Zapasnojes Tšeljabinski guovllus 10. suoidnemánu. Govva: Tšeljabinskin aluehallituksen lehdistötoimisto / AOP

Sibirijás, dego earáge sajiin Ruoššas leat dán geasi leamašan olahus garra báhkat.

Buollimiid dihte jiehkit ja duollu suddet, ja dat fas luitet áibmui čina. Dasa lassin giebas čáhpodan muohta suddá beaivvážis jođánabbot go čeaskavilges muohta.

– Dál lea 8–10 gráđa lieggasut go ovdal. Ii leat dábálaš, ahte davvin lea badjel 30 gráđa báhkat, muitala Ruošša dálkediehtinlágádusa dutkanhoavda Roman Vilfand.

Čuovvovaš vahkuid áigge dálki galggašii čoaskut ja arvigoahtit. Dat ii goit dáhkit dan, ahte dálá buollimat eai leavašii.

Varrasamosat: Sápmi

Váldoođđasat

Varrasamosat

Muualla Yle.fi:ssä