Sápmi |

Golgadanbadji Deanus sáhttá báhcit oanehažžan – Mika Aikio: "Jos jieŋat golggiidit, ii dohko fatnasiin gánnet mannat"

Jieŋaid siste bivdin sáhttá leat juoba heakkaváralaš, lohká Ohcejoga girkosiidda osolašgotti ságajođiheaddji Mika Aikio.

Mika Aikio
Mika Aikio jáhkká, ahte jus lea dulvegeassi, dat lea buoret luossajahki. Govva: Vesa Toppari / Yle

Deanujogas báikki olbmot besset bivdigoahtit luosa boahtte vuossárgga 1.6. diibmu 19 rájes. Dalle lea vejolašvuohta geahččalit luossalihku juogo stákkuin dahje árbevirolaš bivdovugiin golgadeamin.

Luonddudilli goit lea dán háve dakkár, ahte golgadanbadji sáhttá báhcit oanehažžan, go Deanus ain jieŋat golget ja maŋŋeleappos soaitá vel dulvat.

– Dat gal lea váralaš, jos jieŋat doppe golggiidit, ii dohko fatnasiin gal gánnet mannat. Monu sáhtášii áddet gáttis guolásteami, muhto ii dat leat vel dat áigi, lohká Ohcejoga girkosiidda osolašgotti ságajođiheaddji Mika Aikio.

Teno ja Saamen silta 27.5.2020.
Gaskavahku Deanus Ohcejoga buohta eai šat olu jieŋat dihtton. Govva: Vesa Toppari / Yle

Golgadeapmi lea lobálaš 1.–15.6. guokte jándora vahkus vuossárgga eahkeda rájes. Vejolaččat dan maŋimuš bivdoeahkeda lihkostuvvet váhá bivdit, árvala Aikio.

– Mun gáttán beannot vahku manná ja de lea buvttistan gáttiid. Jus lea hirbmat mielledulvi, eai dat leat riekta golgadansajit. Aŋkke dákko girkosiidda buohta lea hui váttis dalle. Dat sáhttá leat, ahte ii dárbbaš hirbmosit smiehttat dien golgadatbivddu dán giđa, smiehtada Aikio.

Giđa ovdáneami Deanus sáhttá čuovvut reálaáiggis NRK neahttasiiddus.

Mika Aikio lei mielde duorastaga Ylen aamu sáddagis.

Video: Ylen aamu
Doaimmaheaddji Kaisa Aikio jearahalai Mika Aikio suomagillii Ylen aamu -iđitprográmmas duorastaga. Video: Yle

Varrasamosat: Sápmi

Váldoođđasat

Varrasamosat

Muualla Yle.fi:ssä