Sápmi |

Golgadeapmi beasai johtui Deanus – Bohciidahttá dovdduid

Deanu árbevirolaš luossabivdovuohki, golgadeapmi, beasai johtui vuossáreahkedis čieža áigge. Ođđa njuolggadusaid geažil leat gal šaddan árbevierus maŋggalágan dovddut.

kulkutus golgadeapmi
Golgadeapmi álggii Deanus Govva: Vesa Toppari / Yle

Deanu árbevirolaš luossabivdovuohki, golgadeapmi, beasai johtui vuossáreahkedis čieža áigge. Stággobivdu álggii juo vahkuloahpas.

Diibmá fápmuiboahtán Deanu bivdosoahpamuša dihte golgadit besset dušše dat, geat fastta ásset Ohcejoga gielddas. Nuba ovddeš ohcejohkalaš, Heikki Laiti, ferte duhtat gárgos geahččat, go nuppit ráhkkanit. Ii loga diehtit leago behtton vai suhttan.

kulkutus
Govva: Vesa Toppari / Yle

– Gal dat vehá unohas orru, ahte livčče somá luosa goddit ja borrat maid, Heikki Laiti smiehttasta.
Suoma ja Norgga gaskasaš Deanu soahpamuš maid gáržžidii golgadeami njealji jándorii dán gease. Ulbmilin lea várjalit Deanu luosa.

Ii beasa golgadeami oahpahit mánáide

Asko Länsman ii leat dán jagi golgadeamen, vaikko lea juo mánnávuođa rájes dan bargan. Ođđa njuolggadusaid geažil bivdojándorat leat dušše njeallje. Ovdal golgadeapmi álggii jo miessemánus. Dalle dulvejogas lei buoret golgadit. Dál geassemánus johka lea cohkon, iige dalle šat leat buorre golgadat.

Asko Länsman
Asko Länsman. Govva: Yle Sápmi

Son lea oahppan dán árbevirolaš dáiddu áhčistis, ja dieđus háliidivčče maid iežas mánáide oahpahit. Unohas dovdu dat dieđusge lea, go ii beasa árbevieru sirdit dál sohkabuolvvas nubbái.

– Lea fuolastahtti, ahte stáhtta ii beroš min árbevieruin, son lohká.

Länsman smiehttá, ahte oažžu juo measta vajálduhttit árbevirolaš bivddu. Son dadjá lea muhtinlahkái juo vuollánan, go ii jáhke stáhta addá ruovttoluotta dan man lea vuos váldán eret.

– In jáhke, ahte addet ruovttoluotta maid leat vuos váldán.

“Áhkku lea lihkku”

Väinö Guttorm gánddainis goittotge lei vuossárgga Deanu alde. Sudno vuosttaš suhppen ii mannan áibbas duššás. Väinö Guttorm lohká bivdit borranguoli ja go bivdin lea johkagátte olbmos varas.

kulkutus golgadeapmi deatnu teno
Ilmari Guttorm ja Pekka Guttorm ráhkaneamen golgadit. Govva: Vesa Toppari / Yle
– Dat lea álo go giđđa boahta, de dat álgá dihtolagan gelddolašvuohta, dan fierpmebivdui ja golgadeami hárrái, ja de lea vel dat okta, dat sosialalaš bealli, oktii jagis mii deaivvadat maid daid Dáža fulkkiiguin ja oahppásiiguin dollagáttis ja dat lea oalle somá singuin maid humadit, Väinö Guttorm muitala golgadeapmedovdduidis.

Deanu luossa lea nu divrras ja njálgga guolli, ahte dan gánneha bivdit vaikke ii gottašiige. Pekka Guttormis fas dat lea stohpu dievva suollemaš vearjjuid. Borranguolli gal goddo, juos golgadeamis ii leat lihkku. Bivdoskihpáris dušše ferte leat dárki.

– Buorebut mun gottán daid áhkuiguin go daid ádjáiguin, mun in dieđe mas dat bođeš, suhketgo dat menddo garrasit vai mas dat boahtá, dat goit dohppe buorebut, Pekka Guttorm čáibmá.

Don it guržuid fatnasii fuola?

– Ádját leat mu guržot, áhkku lea lihkku.

Divvojuvvon: Áššis leat divvojuvvon namat ja ášši lea muđui dievasmahttojuvvon.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä