Sápmi |

Gollegiella-bálkkašumi oažžuid ii lean váttis válljet

Oahpaheaddji Seija Sivertsen, girječálli Kerttu Vuolab ja gielladutki Mikael Svonni leat ožžon dán jagáš Gollegiella-bálkkašumi. Juohke aidna dain golmmašis lea bargan guhká, vuđolaččat, čehpet ja buriin váikkuhusain sámegiela buorrin, dadjá Gollegiella-komitea ságadoalli Pekka Sammallahti.

Gollegiella 2014: Sivertsen, Vuolab, Svonni
Govva: Vuoigatvuohtaministeriija

Mannán bearjadaga Helssegis almmustuhttojuvvon Gollegiella-bálkkašanlávdegotti ságajođiheaddji Pekka Sammallahti mielas bálkkašumi vuoitiid lei álki válljet, go buot evttohasat ledje lávdegotti mielas buorit.

– Dat ii lean váttis daningo buot evttohusat ledje buorit. Ja de lei guhkes ságastallan dán harrai, geat dán joavkkus badjánit  ja geat leat dan vuoro ánssášan dan bálkkašumi. Earátge livčče gal leamašan, dat lea čielggas, muhto dán vuoro mii mearrideimmet válljet dán golbmasa, lohká Sammallahti.

Juohke aidna dain golmmašis lea bargan guhká, vuđolaččat, čehpet ja buriin váikkuhusain sámegiela buorrin. Dat lei oktasaš dán golmbmasis ja dan mii aniimet dehálaččan. Barggu viidodat lea earenomáš ja alla dássi lea dat, man mii aniimet čálmmis go mearrideimmet dan bálkkašumi vuoiti.

– Juohke ovttas leat earenomáš ánssut. Dat lea nu leamaš juohke háve. Dát bálkkašupmi ii leat addojuvvon duššás, muhto dat lea addojuvvon buriid ánssuid vuođul, deattuha Sammallahti.

"Bálkkašumi oažžun lea stuorra gudni"

Gielladutki Mikael Svonni lea ilus ja atná bálkkašumi oažžuma gudnin.

– Dat lea ereanomaš somá ja dat lea hui stuorra gudni  oažžut dákkár bálkkašumi. Olmmoš ii várra vuordde dan, go iihan dat iežas bargu leat nu dehálaš. Dovdu hui buoragit ja lean hui giitevaš, go lean ožžon dán bálkkašumi. Dát gal movttiidahttá mu fas ovddosguvlui bargat sámegielain, muitala Svonni.

"In máhttán dakkáriid govahallatge"

Girječálli Kerttu Vuolab mielas lea suohtas, go su barggus leamašan ávki earáide.

– Galhan dat lea imaš ja giitevaš ja dieđusge hui suohtasis dovdu, go lea fuomašuvvon dat bargu, maid mun lean okto doppe beavdeguoras bargan ja gusto das lea earáide leamaš ávki.

Bálkkašupmi bođii sutnje maid vuordetmeahttumit.

– Na áinnas lea. In mun leat dákkáriid máhttán ieš govahallatge, ahte muhtumin vel dákkár giellabálkkašumi vel ánssášan, illuda Vuolab.

"Mäŋgg vuâra joudd tueʹjjeed tän tuâi õhttu"

Sääʹmǩiõl uʹčteeʹl Seija Sivertsen mušttal, što suʹnne päʹlǩǩõs leäi õõmâs. Päʹlǩǩõs paakkeed suu miõl.

– Samai samai kâl leäi nåkam õõmâs. Jiõm kâl vueittam vueʹrdded tän. Ââʹn kâl lij samai hääʹsǩ da pueʹrri miõlin leäm ko leäm vuäʒʒam tän päʹlǩǩõõzz, rämmše Sivertsen.

Sivertsen lij tueʹjjääm jieʹllemtuâines nuõrttsääʹmǩiõlin. Måtmešt lij leämmaž väʹǯǯlõs peeiʹvid, ko suʹst lij jõnn tuâi aʹrddi âʹlnn.

– Kâl tõk vuâđđõõttmõõžž leʹjje pueʹrr joo. Jiõm jiõčč mušttam, što mâid jiânnai leäm tueʹjjääm äiʹjj mieʹldd.

Mäʹhtt täʹrǩǩes äʹšš tõt leäi, što še sääʹmǩiõl lij päʹlǩǩuum?

Teâđast tõt leäi šurr äʹšš. Mij leäp nuʹt occanj da mäŋgg vuâra joudd tueʹjjeed tuâi õhttu. Tõt lij šurr äʹrbb tõt što mij sääʹmǩiõll lij ärvvstum ââʹn, mušttal Seija Sivertsen.

Varrasamosat: Sápmi

Váldoođđasat

Varrasamosat

Muualla Yle.fi:ssä