Sápmi |

Gollegiella-bálkkašupmái 2016 sáhttá dál evttohit vuoiti

Giellabálkkašumi ulbmilin lea váikkuhit sámegiela nannemii, ovddideapmái ja seailluheapmái Norggas, Ruoŧas, Suomas ja Ruoššas. Bálkkašumi sturrodat lea 15 000 euro.

Gollegiella vuoitit.
Lajla Mattson Magga ja Máret Sárá vuittiiga jagi 2012 Gollegiella-bálkkašumi. Govva: A-M Ahlén/SVT Sápmi

Ovttaskas olbmot, organisašuvnnat, lágádusat ja eiseválddit Norggas, Ruoŧas, Suomas ja Ruoššas sáhttet nammadit evttohasa jagi 2016 giellabálkkašumi vuoitin.

Gollegiella - davviriikkalaš sámi giellabálkkašupmi geigejuvvo čihččet háve čakčat 2016 davviriikkaid sámeministtariid ja sámedikkiid presideanttaid deaivvadeamis, mii lágiduvvo Stokholmas skábmamánus.

Bálkkašupmi juhkkojuvvo priváhtaolbmui dahje servošii Norggas, Ruoŧas, Suomas dahje Ruoššas sámegiela ovddideamis.

Giellabálkkašumi leat ásahan sámeáššiin vástideaddji ministarat Norggas, Ruoŧas ja Suomas ovttas dáid riikkaid sámediggepresideanttaiguin. Bálkkašupmi mieđihuvvui vuosttaš geardde  2004, ja dan juhket juohke nuppi jagi.

Bálkkašumi sturrodat lea 15 000 euro.

Giellabálkkašumi ulbmilin lea váikkuhit sámegiela nannemii, ovddideapmái ja seailluheapmái Norggas, Ruoŧas, Suomas ja Ruoššas.

Evttohusat bálkkašumi vuoitin ovttas ákkastallamiiguin galgá sáddet maŋimustá 25.8.2016.

Eanet dieđuid gávnnat dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä