Sápmi |

Guldal jiena: Anára koronanjoammumii laktáseaddji olbmot leat dál gártejuvvon – muhtun Anára skuvlla oahppit laktásit njoammunbálgái

Anára gieldda koronavirusnjoammuma njoammunbálggis lea gártejuvvon ja dilli lea kontrolla vuolde, muitala gieldda jođiheaddji doavttir.

Outi Liisanantti
Anára gieldda jođiheaddji doavttir Outi Liisanantti mielde Anára koronanjoammundáhpáhusa njoammunbálggis álgá Levis. Govva: Vesa Toppari / Yle

Anára gielddas lea gávnnahuvvon odne duorasta 26.11. okta koronavirusnjoammun. Anára gieldda jođiheaddji doavttir Outi Liisanantti mielde njoammunbálgá guorran ja gártenbargu leat dahkkojuvvon.

Anára skuvla laktása maid njoammunbálgái.

– Oassi Anára skuvlla oahppiin leat gártan njoammunáitaga vuollái ja sii leat mearriduvvon erremii, dadjá Liisanantti.

Errenmearrádusat leat maid leamašan barggu vuolde odne ja Liisanantti mielde sis lea kontrolla dilis. Buot olbmot, geat leat gártan njoammunáitaga vuollái, leat gártejuvvon ja sidjiide lea váldon oktavuohta.

– Njoammumis diehtit dan, ahte njoammunbálggis lea vuolgán Levis ja Gihttela guvlui lea almmuhuvvon das vai sii besset doppe bargat iežaset gártenbarggu, dadjá Liisanantti.

Liisanantti mielde sii geahččalit deattuhit gielddas máskka geavaheami kontávttain, main ii leat vejolaš doallat gaskka ja ráddjet stuorát joavkkuid deaivvademiid, vai gaskkaid lea vejolaš doallat.

– Lea maid ávžžuhus, ahte gieldda olggobeale mátkkošteami geahččalit dahkat dárkilis vihkkedallama vuođul, dadjá Liisanantti.

Anára gieldda jođiheaddji doavttir Outi Liisanantti muitala Anára koronavirusdáhpáhusas ja das, gos njoammun lea álgán. Jietna: Laura Pieski / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä