Sápmi |

Guldal jiena: Ante Aikio vuosttaš skearru ovttastahttá juoigama iešguđetlágán musihkkastiillaiguin

Juoigi ja girječálli Ante Aikio lea almmustahttán iežas vuosttaš skearru. Skearru sisttisdoallá čieža ođđa šuoŋa.

Ante Aikio skearru Eret
Ante Aikio vuosttaš skearru namma lea Eret. Govva: Ante Aikio

Juoigi ja girječálli Ante Aikio lea almmustahttán iežas vuosttaš skearru, man namma lea Eret.

Ante Aikio lea guhká juoigan almmolaččat, muhto dát lea su vuosttas persovnnalaš skearru. Skearrus son ovttastahttá juoigama iešguđetlágán musihkkastiillaiguin.

– Luohtihan dat vuođđu dieđusge lea, muhto dieppe leat earálágán stiillat. Mun guldalan hui olu iešguđetlágán musihka ja dat gal gullo bures mu iežan musihkas.

Musihkkastiillain skearrus vuhttojit earet eará rock-musihkka ja elektronihkalaš musihkka, muitala Aikio.

Ante Aikio lea ieš čállán teavsttaid sihke komponeren šuoŋaid. Inspirašuvnna iežas bihtáide son oažžu earet eará luonddus ja ođđasiin, son muitala.

Heivehusbarggu Aikio lea bargan ovttas Ville Linnalain ja Janne Airaksinenin, geat leaba maiddái buvttadan skearru.

Skearru sáhttá guldalit earet eará Spotify-musihkkabálvalusas.

Guldal dás Ante Aikio jearahallama. Inger-Elle Suoninen jearahallá. Jietna: Inger-Elle Suoninen / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä