Sápmi |

Guldal jiena: Bealdovuomi skuvla lea bálkkašuvvon guovlolaš StarT-gilvvus

Bálkkašupmin skuvla lea ožžon mikroskohpa ja 50 euro sámegielat mánáidgirjjálašvuođa skáhppomii. 

Hellin Pietikäinen
Bealdovuomi ovda- ja álgooahpahusa oahppit leat studeren oahpaheaddji Hellin Pietikäineniin árktalaš ealliid birra. Govva: Anni-Saara Paltto / Yle

Bealdovuomi sámegielat ovda- ja álgooahpahusjoavku lea ožžon goalmmát bálkkašumi StarT-prošeavttaid guovlolaš gilvvus. Joavku lea studeren oahpaheaddji Hellin Pietikäineniin árktalaš ealliid birra.

– Álgojurdda dan Árktalaš eallit -prošektii vulggii das go mii orrut árktalaš guovllus. Árktalaš eallit leat dehálaččat min oahppiide, de mearrideimmet dutkagoahtit eanet daid, muitala Pietikäinen.

Bálkkašupmin skuvla lea ožžon mikroskohpa ja 50 euro sámegielat mánáidgirjjálašvuođa skáhppomii.

– In vuordán, ahte beassat bálkkašumiide, muhto hirbmat gelddolaš lei gullat dan, ahte bođiimet goalmmádin. Dat bálkkašupmi boahtá olles Eanodaga gieldda geavahussii, dadjá Pietikäinen.

Guldal Hellin Pietikäinen jearahallama dás Jietna: Erkki Gauriloff / Yle

StarT lea universitehtaid Luma-guovddáža prošeakta, man ulbmilin lea doarjut máŋggahámat oahpahusa skuvllas. Bealdovuomi skuvla leamaš mielde Lappi Luma-guovddáža ordnen gilvvus dán giđa.

Áššis muitalii vuosttamužžan Enontekiön Sanomat -aviisa.

Dán videos sáhtát guovlalit, makkár lei Bealdovuomi skuvllalaččaid bálkkašuvvon prošeakta. Video teavsttat leat suomagillii. Video: Bealdovuomi skuvlla sámegielat 0.–2. luohkká / Youtube

Varrasamosat: Sápmi

Váldoođđasat

Varrasamosat

Muualla Yle.fi:ssä