Sápmi |

Guldal jiena: Biologa dárku roggama dagahan nuppástusaid

Birasguovddážii gullá gohcit dan ahte gollerokkahagat eai bilit čázádaga ja ahte luottat čorgejuvvojit.

kaivettua soraa ja lampi
Álggahuvvon gollerokkahat Jääskeläisenoja njálmmis, dát ája golgá Palsinojai. Govva: Vesa Toppari / Yle

Biologa Jukka Ylikörkkö lea okta dain Eealáhus-, johtalus- ja birašguovddáža (EJB) virgeolbmuin geat oassálaste alimus hálddahusrievtti ordnen geahčadeapmái mašingollerogganbáikkis Anár Palsinojas 8.–9.9.2020. Su vásttu vuolde leat eanaboltuma váikkuhusat čáhcelundui.

Birasguovddážii gullá gohcit dan ahte gollerokkahagat eai bilit čázádaga ja ahte luottat čorgejuvvojit. EJB-guovddáš maiddái govve áimmus gollerogganguovlluid. Dát gulla lohpeeavttuid ollašuvvama čuovvumii.

Gollerokkahagain biologa gidde fuopmášumi ádjagiid golgama nuppástusaide ja dasa man muttus čáhčešaddu numo sámmálat fas ihtet ájabodnái dan maŋŋá go oalli lea rievdaduvvon.

– Easkka sirdojuvvon golggahat lea šattohis ja guoros eallinbiras, muhto de 30 jagi geahčen doppe šaddá juo sámil. Sámil mearkkaša dan, ahte earáge eallin ájarokkis álgá ja dat buvttadišgoahtá guliidege biepmu, muitala biologa Jukka Ylikörkkö.

– Mii maiddái čuovvut dan man veardde luonddudilát čáziin oidno suohkun golleroggama dihte. Deaŧalaš lea geahččat gollerogganáigodaga badjel. Go roggamiin leat geargan ja go figget dahkat rogganbáikkiid fas ovddešláganin. Galggašii beassat nu lahka luondduviđá dili go vejolaš. Dan mun dárkkun, ahte dovdogo álgoálgosaš ájaroggi šat ja man lahka álgodili oba leage vejolaš beassat, dadjá Ylikörkkö.

Guldal Jukka Ylikörkkö jearahallama dás. Jietna: Jouni Aikio / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä