Sápmi |

Guldal jiena: Deanu jieŋat vulge –báikki olbmot árvaladde gilvvu áiggi

Ohcejogas leamaš dáhpin juohke giđá árvádaddat ja gilvalit das, gii árvida lagamus beaivvi ja áiggi goas jieŋat vulget.

Minna Saastamoinen Ohcejohka
Ohcejotnjálmmi gilisearvvi čálli Minna Saastamoinen muitala, ahte dán jagi eai lean nu olu oassálastit gilvvus go ovddit jagiin. Govva: Kirsti Länsman / Yle

Jieŋat vulge Deanus mannan sotnabeaivve. Gilidállu Giissás lei mearka Sámi šalddi bajábealde, mas sáhtii čuovvut goas jieŋat vulget.

Ohcejogas leamaš dáhpin juohke giđá árvádaddat ja gilvalit das, gii árvida lagamus beaivvi ja áiggi goas jieŋat vulget ja mearka vuolgá johtui.

Ohcejotnjálmmi gilisearvvi čálli Minna Saastamoinen muitala, ahte dán jagi eai lean nu olu oassálastit go ovddit jagiin.

– Jus riekta muittán de ledje 66 árvaleami jieŋaidvuolgimis dán jagi. Ovdal leamaš goittot badjel 100. Dathan lei hirbmat váttis dán giđa vuovdit daid árvalusaid, go lei dat koronaáigi, uhccán olbmot johte gilis ja gilidálus.

Gilvvu lea vuoitán Anni Ahlakorpi, ja bálkkašupmin son oažžu guolástanbiergasiid.

– Dán jagi gilvu lei hui gelddolaš go dat mearka darvánii guovtti jándorii jiekŋaravdii šaldi vuollái ja dat mearka galgá johttát šaldi meattá. Sotnabeai iđit dat viimmat lihkastii, muitala Saastamoinen.

Guldal Minna Saastamoinen jearahallama dás Jietna: Tuomo Laiti / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä