Sápmi |

Guldal jiena: Dološ gávttelágan gárvvuid birra háleštit Roavvenjárggas

Gávttelágan gárvvuid leat atnán boazomeahcis ovdal sođiid nu gohčoduvvon Peräpohjola guovllus.

Lapin maakuntamuseon va. museonjohtaja Hanna Kyläniemi
Hanna Kyläniemi muitala, ahte gávttelágan gárvvuid geavaheapmi nohkagođii jo ovdal sođiid, nuba daid dárkilis geavaheamis ii leat sihkkaris diehtu. Govva: Raimo Torikka / Yle

Roavvenjárgga ruovttuguovllu musea ordne otne duorastaga logaldallama, mas gieđahallet gávttelágan gárvvuid, suomagillii umpitakki, geavaheami Roavvenjárgga lahkosiin.

Dakkár gárvvuid leat dolin geavahan boazodoalus. Dát gárvvut leat gorrojuvvon dábálaččat láđđis, dat leat guhkkit, dain lea ohca ja daid leat sáhttán hervet iešguđetlágan báttiiguin.

– Dát biktasat leat boahtán dáppe Roavvenjárgga guovllus museačoakkáldagaide máŋggaid logiid jagiid áigge. Daid leat olbmot skeŋken deike, muitala Lappi eanangoddemusea hoavda Hanna Kyläniemi.

Kyläniemi muitala, ahte dát gárvvut leat gullan nu gohčoduvvon Peräpohjola badjeolbmuide.

– Muitodieđu mielde dát gávttelágan gárvvut leat leamašan vuohkkasat geavahit dálvit boazobargguin, ja maiddái meahccebargguin.

Kyläniemi mielde 1900-logu álggus eai leat nu galle dakkár gárvvu seilon gitta dán beaivái, nuba ii sáhte sihkkarvuođain diehtit ovdamearkka dihte dan, mo dakkár biktasa leat sierra guovlluin geavahan.

Son árvala, ahte daid biktasiid geavaheapmi lea nohkan oalát maŋimuštá nuppi máilmmi soađi maŋŋá, muhto dan ovdal dakkár biktasiid atne olu eambo.

Álbmotlogaldallan ordnejuvvo otne duorastaga Roavvenjárgga ruovttuguovllu museas dii. 18.00.

Guldal Hanna Kyläniemi olles jearahalla dás. Jearahallan lea suomagillii. Jietna: Susanna Guttorm / Yle

Beaivvi ságaid ja Yle Ođđasiid Sámis sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä