Sápmi |

Guldal jiena: Duodjebusse johttá fas – koronadilli váldojuvvon vuhtii kurssaid ordnemis

Vuosttažettiin busse vuolgá Ohcejohkii, gos ordnejuvvo ulloliinni gođđinkursa.

Rauna Vieltojärvi
Rauna Vieltojärvi beassá bargat duodjebussen fas. Vuosttaš báikegoddi lea Ohcejohka. Govva: Vesa Toppari / Yle

Moadde mánotbaji bottu maŋŋá beassá fas Sámi duodji -searvvi duodjebusse johtui. Koronavirusa dagahan dili dihte galggai busse bisánit veháš áigái, muhto de fas besset olbmot kurssaide.

Busse bargi Rauna Vieltojärvi illuda, go doaibma joatkášuvvá.

– Hui somá vuohon álgit dainna prošeavttain bargat, lohká Vieltojärvi.

Duodjebusse prográmma huksejuvvo olbmuid sávaldagaid mielde. Vuosttaš kursa lea Ohcejogas, gos olbmot besset gođđit ulloliinniid. Vieltojärvi muitala, ahte kurssain čuvvot dárkilit koronavirusa easttadeami ávžžuhusaid ovdamearkka dihte dorvvogaskkaiguin ja dainna, ahte kurssaide beassá dušše dihto mearri olbmuid.

– Jáhkán, ahte olbmot háliidit searvat kurssaide ja bargobajiide dan koronadili maŋŋel, Vieltojärvi dadjá.

Duodjebusse johttá fas. Guldal dá Rauna Vieltojärvi jearahallama. Jietna: Linda Tammela / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä