Sápmi |

Guldal jiena: Gielddabargit čihke šukuládamoniid miehtá Ohcejoga gilážiid – dál hástalit bearrašiid ohcat beassášmaniid

Beassášmoniid ohcanrávvagat gávdnojit Ohcejoga asttuáigi ja kultuvra -Facebook-siiddus.

Kaisa Tapiola-Länsman pääsiäisenä 2021.
Ohcejoga gieldda kulturčálli Kaisa Tapiola-Länsman muitala, ahte go asttuáiggedoibmii almmuha moni gávdnomis, de dalle lea mielde jiehtanas šukuládahersko vuorbádeamis. Govva: Anneli Lappalainen / Yle

Beassážat láhkonit ja "beassášnjoammilat" leat johtán Ohcejoga gieldda gilážiin Njuorggámis, Ohcejogas ja Gáregasnjárggas. Ohcejoga gieldda asttuáiggedoaibma lea čiehkan 60 šukuládamonnepakeahta duohkut deike.

– Mis lea beassážiid gudnin beassášmanneohcan, mii lea oaivvilduvvon bearrašiidda. Mii doaivut, ahte bearašlahtut ovttas ohcet daid maniid dáppe luonddus Ohcejogas, Gáregasnjárggas ja Njuorggámis, muitala Ohcejoga gieldda kulturčálli Kaisa Tapiola-Länsman.

Kaisa Tapiola-Länsman muitala dán jearahallamis lasi šukuládamonneohcamis. Jietna: Anneli Lappalainen / Yle

Oza moni ja almmut kulturdoibmii

Beassášmoniid sáhttá ohcat duorastaga 1.4.2021 rádjai. Ohcanrávan ja cavgileapmin asttuáiggedoaimma Facebook-siiddus almmuhuvvo govva, man vuođul monnepakeahta gánneha ohcalit.

Ulbmilin lea, ahte dat livčče mánnabearražiid olámuttus, ja danin dat eai leat dolvojuvvon menddo duottaralážiidda.

– Mii bidjat daid dorvvolaš báikkiide, ahte eai boađe dasto diekkár mahkige lihkohisvuođat ozadettiin. Muhtimat leat áibbas dákko láhkosis ja duođai muhtimat váhá doppe guhkkelabbos, ahte oažžu ieš sáhttá válljet háliidago iskat lagabus vai dahje eambo váddásut báikkis daid geahččalit ohcat, cavgila Tapiola-Länsman.

Go dákkár monnepakeahta gávdná, das galgá almmuhit astoáiggedoaimma bargiide vai nuppit eai mana duššiid dihte dán seamma čiegá ohcat. Ja almmuheapmi gánneha, go dalle lea mielde dákkár jiehtanas šukuládahersko vuorbádeamis.

Yle Ođđasiid Sámis ja Beaivvi ságaid sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä