Sápmi |

Guldal jiena: Heargegilvvuid šluhtten váikkuha maiddái mánáid skuvlatuvrraide – vánhen: "Ferte smiehttat leatgo mánát oba vuolgimenge gosage"

Anár skuvlla ohppiid váhnemat leat smiehttamin ođđa ruhtačoagginvugiid mánáid skuvlatuvrraid váras.

Kirsi Ukkonen
Kirsi Ukkonen ii vuos dieđe, mo áigot ovttas eará váhnemiiguin dál čoaggit ruđa, go heargegilvvut leat šluhttejuvvon. Govva: Yle / Vesa Toppari

Anára gonagasgilvvut leat leamašan dehálaččat maid Anára skuvlla mánáide, go sii leat vuovdán káfe ja eará niestti sihke ordnen vuorbádeami gilvvuin. Daiguin boađuiguin sii leat beassan vuolgit luohkáin skuvlatuvrii.

Dábálaččat dán muttus jagis livččii 5. luohkkálaš máná eadni Kirsi Ukkonen ráhkkaneame olles fártta gonagasgilvvuide. Dál go heargegonagasgilvvut eai ordnejuvvo, skuvlamánát ja sin váhnemat leat gártan smiehttat ođđa dinenvugiid.

– Ovdal juovllaid mii vel sávaimet, ahte ain jo iskat ráhkkanit daidda gilvuide. Dál fertet buot smiehttat ođđasit, lohká Kirsi Ukkonen.

Vuorbádeami sii leat goittotge áigumen ordnet. Čakčat sii maiddái ordnejedje biilarieggáid molsunbálvalusa, mainna dinejedje goit muhtin veardde.

– Dál ferte álgit smiehttat maid, ahte leatgo mánát oba vuolgimenge gosage, smiehtada Ukkonen.

Guldal jearahallama dás. Jietna: Anja Kaarret / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä