Sápmi |

Guldal jiena: Ingá-Máret Gaup-Juuso gaskavahku konsearta loahpaha dán jagáš Väyläfestivála

Konseartaollisvuohta dollojuvvo golmma sierra báikkis Eanodagas.

Iŋgá-Máret Gaup-Juuso
Ingá-Máret Gaup-Juuso juoigá ja muitala juoiganárbevierus gaskavahkku 7.7. Väyläfestiválas. Govva: Marianne Ketola / Yle

Dán jagáš Durdnosleagi rájáid rasttildeaddji Väyläfestivaali-dáhpáhus lea jorggihan loahpa guvlui, ja festivála loahpaha odne Ingá-Máret Gaup-Juuso konsearta Eanodagas. Artista ieš illuda beassat leat mielde festiválas ja go beassá viimmat doallat iežas konsearta.

– Go dát koronáigi, mii mis lea leamaš, nu in mun leat beassan doallat konsearttaid. Leago dát vuosttaš geardi korona maŋŋel, ahte beasan doallat iežan konsearta. Dat lea hui somá, ahte olbmot besset čoahkkanit ja návddašit kultuvrras, nu dat orru hui somá gal leahkit dáppe mielde.

Gaup-Juuso oassi álgá Järämä gáttis 15,8 kilomehter Gárasávvonis Gilbbesjávrri guvlui. Nubbi oassi lea Sinehat-duoddaris ja goalmmát Njáimmetjávrri máttageažis Geaggáneanu gáttis. Geahččit ja guldaleaddjit johtet iežaset biillaiguin.

– Dát lea vuosttaš geardi, go doalan dákkár konsearta. Mii lonuhit báikkiid, ja juohke báikkis galggan luođi birra muitalit, juoiggastit ja olbmuiguin humadit. Dathan boahtá munnjá maid leahkit dákkár vuosttaš gearddi vásáhus, ahte beasan ná čiekŋalit muitalit iežan juoigama ja karriera birra, ahte mo dat luohti lea láiden mu dán beaivái.

– Jáhkán dat šaddá hui gelddolaš, in leat ovdal dákkár hámis doallan iežan konseartta. Ja munhan boađán áibbas okto leahkit, veháš lean balus gillejitgo olbmot guldalit olles beaivvi, bohkosa Gaup-Juuso.

Gaup-Juuso muitala, ahte son háliida ovdanbuktit iežas guovllu luđiid ja čájehit guovllu árbevieru. Son háliida addit oppalaš gova das, mii lea árbevirolaš juoigan. Vaikko mo plánešii maid áigu juoigat, ii dat láve nu dáhpáhuvvat, muitala son.

– Sáhttá nu, ahte luohti man it jurddašange juoigat, boahtá jurdagiidda ja fertet dan juoigat de. Lean dieđusge veháš ráhkkanan ja plánen, muhto dieđát dat ii goassege meneštuva dat plána maid jurddašan. Ferte vehá dasa luohttit maid dat biegga buktá, makkár luđiid dat buktá, čaibmá Gaup-Juuso.

Ingá-Máret Gaup-Juuso loaiddasta vuosttaš háve Väyläfestiválas. Guldal dás su jurdagiid áššis. Jietna: Marianne Ketola / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä