Sápmi |

Guldal jiena ja geahča video: Pekka Sammallahti fotogovvačájáhus rahpasa maŋŋebárgga Sámemusea Siiddas

Čájahus lea oaidninláhkai 23.6.2020 - 31.3.2021.

Pekka Sammallahden valokuvanäyttely nähtävillä Saamelaismuseo Siidassa
Pekka Sammallahti lea govven fotogovaid jo 1950-logu rájes. Dál son lea čohkken muhtin govain čájáhusa Sámemusea Siidii. Govva: Vesa Toppari / Yle

Sámemusea Siidda molsašuddi fotogovvačájahus "Albma olbmot" stelle oaidninláhkai Pekka Sammallahti čáhppesvilges fotogovaid davvi olbmuin sin árgabeaivvi birrasiin čieža sierra jahkelogus gitta 1960-logu rájes.

Sammallahti lea beakkán eandalii bargguinis sámegielain ja kultuvrrain. Son lea Oulu universiteahta emeritusprofessor, ja ain nana váikkuheaddji sámegielaid buorrin. Sammallahti dovdosamos duojit leat su sámegiela sátnegirjjit.

Son lea riegádan Helssegis, muhto ássan beali eallimisttis Veahčakis Ohcejogas. Čuovgagovven lea čuvvon Sammallahti mielde jo 50-logus ja dan son lea árben áhkustis, roavvenjárgalaš čuovgagovvejeaddji Hildur Larsonis.

Video: Pekka Sammallahden valokuvanäyttely Saamelaismuseo Siidassa

Rahpandoaluid eai ordne koronadili dihte

Sammallahti muitala, ahte son lea govven olbmuid dalle go leamaš vuogas boddu ja olbmot leamaš dakkár dilálašvuođas, ahte sin lea vuogas govvet.

– Eandalitge ealáhatáiggis mus lea leamašan áigi govvet, muhto gal mun lean gitta 1950-logu rájes govven. Stuorámus oassi boares govain lea dušše láhppon eallima báruid sisa. In muitte, ahte livččen oktiige ovddalgihtii soahpan govvema, lean dušše jearran ahte amma gova oažžu čájáhusas geavahit.

Sammallahti mielde ii leat mihkke erenomáš dilálašvuohta, gos lea buoremus govvet olbmuid. Olbmo persovnnalašvuohta oidno fotogovain ja dan Sammallahti lea hálidan buktit ovdan iežas govaiguin.

– Gal dat dieđus oidno dan olbmos alddis ja dan amadájus, ahte maid dat láve jurddašit eallimis ja makkár gaskaoktavuohta das lea eará olbmuide.

Dábálaččat čájáhusaid rahpet sierra rahpandoaluiguin, muhto koronadili dihte eai dál ordne dakkáriid. Ulbmilin lei bovdet čájáhusa rahpamii sin, geaid govat leat čájáhusas mielde.

Čájahus lea oaidninláhkai Sámemusea Siiddas 23.6.2020 - 31.3.2021.

Guldal Pekka Sammallahti jearahallama dás. Jietna: Pinja Pieski / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä